17072019Mié
Última edición: Mar, 16 Jul 2019 11pm

servizo social

A teleasistencia atendeu en 2015 máis de 4.300 alarmas

O servizo, que vén de facer balance da actividade do pasado ano, atendeu as necesidades de máis de 400 usuarios de pequenos concellos

24 Enero 2016 por
Valora este artículo
(0 votos)
A teleasistencia prestou servizo durante o ano pasado a 402 persoas. A teleasistencia prestou servizo durante o ano pasado a 402 persoas.

O servizo de Teleasistencia Domiciliaria da Deputación de Pontevedra atendeu durante o ano 2015 máis de 400 persoas, que xeraron un total de 4.300 chamadas de alarma. O servizo, cofinanciado pola institución provincial xunto cos pequenos concellos, proporciona resposta inmediata aos usuarios durante as 24 horas do día, mediante un sistema de mans libres.

O servizo de Teleasistencia da Deputación de Pontevedra, un programa cofinanciado pola institución provincial en colaboración cos 47 concellos de menos de 20.000 habitantes adheridos, prestou servizo durante o ano pasado a 402 persoas maiores ou con algún grao de discapacidade, que viven soas pero gozan da suficiente autonomía para permanecer nos seus fogares.

O servizo de teleasistencia garante unha atención efectiva durante todos os días do ano e a calquera hora do día. No momento que o usuario o desexe ou precise pode establecer comunicación cun teleoperador, a través dun pulsador colgante que levan incorporado. Así, durante o 2015 atendéronse un total de 4.391 alarmas, das cales 225 foron debidas a emerxencias sanitarias ou sociais.

Ademais, para paliar os sentimentos de soidade e illamento das persoas, o servizo efectuou no mesmo período 276 visitas de seguimento, que se sumaron ás visitas que se realizan habitualmente para a resolución de diversas incidencias. Asemade, organizáronse 7 xornadas de convivencia, co obxecto de proporcionarlles aos usuarios un tempo de lecer e un espazo de intercambio de experiencias e inquedanzas.

A teleasistencia é prestada por un teleoperador especificamente preparado para atender as necesidades dos usuarios e usuarias dunha forma cálida e humana, ao mesmo tempo que rápida e profesional. O servizo inclúe apoio inmediato a demandas de angustia, soidade, e accidentes domésticos; mobilización de recursos ante situacións de emerxencia sanitaria, persoal ou social; xestión de axendas para lembrar datos importantes sobre a toma de medicación e a realización de xestións; e seguimentos permanentes dende o Centro de Atención, mediante chamadas telefónicas periódicas. Ademais, tamén se efectúan chamadas de felicitación por aniversarios, santos e outras datas sinaladas.

O servizo de teleasistencia permite a permanencia dos usuarios no seu medio habitual e o contacto permanente co seu entorno socio familiar, evitando o illamento social e a soidade. Deste xeito, evítanse institucionalizacións innecesarias ao tempo que se asegura unha intervención inmediata ante posibles situacións de crise persoais, sociais ou médicas.

Deja un comentario

Asegúrate de llenar la información requerida marcada con (*). No está permitido el código HTML. Tu dirección de correo NO será publicada.

vigo en festas 2019

vigo

turismo

  • Últimas noticias

  • Más leído