13112019Mié
Última edición: Mar, 12 Nov 2019 9pm

A lista de espera baixa, pero Vigo segue a ter o peor dato de Galicia

O tempo de agarda en consultas externas reduciuse ata os 53 días, mentres que a demora para operarse situouse en 2017 nos 88 días

26 Enero 2018 por
Valora este artículo
(0 votos)

O Complexo Hospitalario Universitario de Vigo (Chuvi) acadou o pasado ano unha cifra de actividade cirúrxica histórica ao superar a barreira das 36.000 intervencións totais. En concreto, os profesionais efectuaron 36.430 operacións, 1.249 máis que o ano anterior (un 3,5 por cento). Esta cifra contribúe a que a EOXI de Vigo continúe mellorando os resultados das demoras medias das súas listas de espera.

Así, segundo revelan os datos oficiais feitos públicos este venres polo Servizo Galego de Saúde, por primeira vez no último lustro o Chuvi situou o tempo de espera medio para unha intervención cirúrxica por embaixo dos tres meses, e o de espera para consulta externa en menos de dous meses .

Malia estes bos datos, a área sanitaria viguesa segue a ser a que máis esperas arrastra en Galicia. No que respecta a consultas, o dato é de 53,6 días, sensiblemente por riba da media (46 días). En operacións, a cifra sobe ata os de 88,6 días, un número moi superior ao conxunto de Galicia (66 días).

Ese tempo de agarda no Chuvi é 5,8 días inferior ao do pasado ano, mentres que a demora media para as consultas externas reduciuse en 5,5 xornadas.

Ademais, a demora media actual para as intervencións cirúrxicas de Prioridade 1 na área sanitaria viguesa é de 24,3 días, por debaixo do obxectivo marcado pola Consellería de Sanidade, establecido en 30 días.

O xerente, Félix Rubial, asegura que “o obxectivo de cara a finais deste ano ten que ser reducir un 10% os datos actuais”.

Especialidades
Por servizos, sete das trece especialidades cirúrxicas presentan unha demora media por debaixo dos 65 días, o que os sitúa no tempo medio de espera global dos hospitais do Sergas. Os que menos espera arrastran son Cirurxía Torácica (24,4 días), Neurocirurxía (42,6) e Uroloxía (45,6).

Traumatoloxía continúa sendo o servizo con maior impacto na lista global. Do total dos pacientes que esperan unha intervención na área viguesa, o 37,4% son de traumatoloxía. Con todo, este servizo conseguiu rebaixar en 18 días a súa demora media (agora está en 124,3 días) con respecto ao pasado ano.

Inicia sesión para enviar comentarios

mar

navidad

  • Últimas noticias

  • Más leído