Doutora en Farmacia pola Universidade de Santiago de Compostela e diplomada en Óptica Oftálmica e Acústica Audiométrica pola Universidad de Barcelona, cabe subliñar a súa formación en farmacoeconomía e xestión sanitaria.
A súa traxectoria profesional está ligada á Atención Primaria na área sanitaria de Vigo, traballando como farmacéutica nos servizos de Atención Primaria de Teis e de Rosalía de Castro. Foi integrante das distintas comisións de farmacia autonómicas e da área de Vigo. Na actualidade é membro da Comisión Provincial de Farmacia.