24052019Vie
Última edición: Vie, 24 May 2019 2pm

motor

Vigo protagoniza o Rías Baixas, con tramos no Castro e monte Alba

O rallye pasará tamén por Nigrán, Gondomar, O Porriño e Salceda de Caselas

08 Mayo 2019 por
Valora este artículo
(0 votos)
Saída desde a Porta do Sol nunha edición anterior. / Foto: Arquivo Saída desde a Porta do Sol nunha edición anterior. / Foto: Arquivo

O alcalde de Vigo, Abel Caballero, acompañado de Chema Rodríguez, promotor e patrocinador, o presidente da Federación Galega de Automobilismo, Iván Corral, e do piloto Alberto Meira ademais do histórico Beny Fernández, anunciou unha nova edición do Rallye Rías Baixas para o Día das Letras Galegas e o sábado 18 de maio.

O rexedor explicou que este ano o rallye terá o seu epicentro en Vigo tamén a nivel competitivo. "Estamos moi satisfeitos de que o rallye continúe a súa andaina e de que singularmente teña o seu ámbito en Vigo", pois haberá dous tramos no monte do Castro (venres 17) e dos nove tramos previstos para o sábado tres terán ao monte Alba como protagonista.

Caballero lembrou que a competición no Castro "fixémola en 2012 e 2013 e foi moi notable presenciar o rallye nese percorrido" de 2,27 quilómetros, e alegrouse de que o evento siga crecendo "nun deporte con tanta movilización. En Vigo o automóbil é unha esencia e unha identidade cultural, ter o rallye aquí é da maior importancia", concluíu.

Pola súa banda, Chema Rodríguez, director xeral do grupo Recalvi, apuntou que foi un "compromiso persoal" seu dar máis protagonismo a Vigo na proba: "Era un rallye que se facía moito polo interior e entendemos que hai que achegalo á cidade". Por iso recupéranse os tramos do Castro e do monte Alba. Naquel, grazas ao permiso federativo, "haberá unha novidade: para que a xente non se aburra van saír os vehículos de medio minuto no medio minuto. Vanse a ver case dous ou tres vehículos ao mesmo tempo".

1557328178rally

Rodríguez anunciou unha loxística espectacular: "Temos 600 persoas para seguridade, é un despregue importantísimo e a verdade que este ano o orzamento váisenos porque O Castro lévase un terzo do mesmo, pero é un compromiso adquirido".

A proba, con 110,05 quilómetros, terá 160 coches... "pero hai 28 en reserva, e isto non se deu nunca. Cando eramos Campionato de España tiñamos 70-80. O Campionato Galego está agora a unha altura incrible e é o mellor da península con diferenza", dixo Rodríguez. O rallye pasará tamén por Nigrán, Gondomar, O Porriño e Salceda de Caselas.

Deja un comentario

Asegúrate de llenar la información requerida marcada con (*). No está permitido el código HTML. Tu dirección de correo NO será publicada.

obras

sucesos

elecciones municipales

  • Últimas noticias

  • Más leído

Agenda

Sin eventos