22112018Jue
Última edición: Jue, 22 Nov 2018 10am

O bólido UM18, listo para rodar a todo gas

O coche de Uvigo Motorsport, que presenta diferentes melloras, parte cara Holanda para competir en Assen

04 Julio 2018 por
Valora este artículo
(0 votos)
O coche, co equipo que traballou nas súas melloras. / Fotos: Duvi O coche, co equipo que traballou nas súas melloras. / Fotos: Duvi

A menos dunha semana para a súa estrea no circuíto de Assen, Holanda, o monopraza de Uvigo Motorsport presentouse publicamente este mércores no campus vigués. A partir do luns 9 o equipo de estudantes da Universidade de Vigo testará a cuarta xeración do coche, o UM18, desde que comezaron a competir en Formula Student en 2015.

Acompañados polo reitor da Universidade, o alcalde de Vigo, a delegada do Goberno na Zona Franca de Vigo, o presidente do Consello Social da Universidade e o director da EE Industrial descubriron o segredo mellor gardado, un monopraza que presenta destacadas melloras respecto ao seu predecesor, o UM17, como a nova aero activa do alerón dianteiro e máis o sistema de cambio pneumático, todo isto propulsado por un motor Kawasaki ER6-n 650cc.

Entre os días 9 ao 12 deste mes o UM18 someterase á súa primeira proba real en pista, no circuíto de Assen, en Holanda, cara a onde parte esta tarde en camión, mentres que o equipo viaxará o sábado. A segunda carreira que disputarán será entre o 21 e o 26 de agosto en Montmeló.

O equipo deste ano está formado por 26 estudantes, procedentes das escolas de enxeñaría Industrial, Minas e Enerxía e Telecomunicación. Ao longo da temporada consolidaron e mesmo ampliaron a súa rede de apoio do tecido industrial e institucional, con máis de 60 empresas e organismos, que lles brindaron axuda tanto no deseño e fabricación de pezas como coa achega de recursos e de formación.

Agora, tras nove meses de traballo compaxinado cos estudos e co coche xa rematado, chegou o momento dos agradecementos. María Couso, team leader de Uvigo Motorsport, destacou o traballo feito polas institucións e empresas patrocinadoras e deu as grazas polo “esforzo e colaboración ano tras ano, sen o voso apoio isto non sería posible”.

En nome de todo o equipo tamén tivo palabras de agradecemento para profesora que coordina o proxecto, Ana Mejías, e para a Escola de Enxeñería Industrial “por seguir confiando en nós e por axudarnos dende hai catro anos, porque o que moitos crían que era una loucura, hoxe segue crecendo, evolucionando e mellorando no seo desta escola, á que todos xa consideramos a nosa casa”.

O director do centro, Juan Pardo, tamén resaltou o apoio dos colaboradores, “porque máis aló da axuda material e económica, o máis importante é a convicción de crer nesta idea, nesta ilusión que hoxe é xa unha realidade”. Para a escola é “un proxecto importante que sempre acollemos con moito entusiasmo, unha maneira de completar o proceso formativo do alumnado”, remarcaba.caballero bolidoPrimeiro reto, Assen
O UM18 é un monopraza de nace aprendendo dos erros dos seus antecesores. Como explica María Couso “intentamos solucionar problemas das temporadas pasadas, mellorando o sistema propulsor e a refrixeración do motor, aspectos que foron os que nos deron máis problemas o ano pasado”.

O coche tamén presenta melloras no eido da electrónica, cun sistema de telemetrías en tempo real, e no da aerodinámica, algo do que “estamos moi orgullos porque axuda a mellorar tanto o sistema de refrixeración do motor como a velocidade, o rendemento en curva e a condución do piloto”.O bólido parte en camión hoxe mesmo cara Holanda, o equipo sae o sábado e  competición comeza o luns coas probas estáticas que como explica Couso son “design, cost e business, que consisten na xustificación de costes, deseño e plan de negocio”.

A seguinte fase é a inspección técnica e de seguridade do coche, que realiza un grupo de expertos, tras o cal comezan as probas dinámicas, nas que o UM18 será pilotado por Hugo Caride, compoñente de Uvigo Motorsport.um18 grupoPara este ano, Couso recoñece que teñen un reto claro: a proba de endurance. “O ano pasado foi o primeiro no que competimos en todas as probas dinámicas e quedamos ás portas de rematar o endurance por problemas de refrixeración”. Rematar este test supón obter 325 puntos dos 1.000 totais da competición, “ese é o noso obxectivo e con este coche e todo o que aprendemos de anos pasado confiamos en poder facelo” relataba Couso. E é que tras catro anos contan xa cunha ampla experiencia tanto no deseño como na construción, “fallou todo o que podía fallar e agora debería de funcionar todo ben”.

A segunda das probas nas que competirán este ano será en Montmeló do 21 ao 26 de agosto, o que lles permite, segundo a team leader, ter marxe de tempo suficiente para facer cambios no monopraza de ser preciso.

Deja un comentario

Asegúrate de llenar la información requerida marcada con (*). No está permitido el código HTML. Tu dirección de correo NO será publicada.

salud

movilidad

gastronomía

  • La mejor tapa de Vigo está en la calle Carral
    La mejor tapa de Vigo está en la calle Carral El Concurso de Tapas de Vigo ‘Petisquiño’ ha entregado este miércoles los premios a los ganadores de la quinta edición del certamen, organizado por la Federación Provincial de Empresarios de Hostelería de Pontevedra (Feprohos). En él, el establecimiento Trepia Gastronomía,…
    Leer más...

transporte

economía

  • Últimas noticias

  • Más leído

Agenda

Sin eventos