21102019Lun
Última edición: Lun, 21 Oct 2019 8pm

medio ambiente

O Concello porá en marcha a campaña "Vigo libre de plásticos"

Campaña de concienciación colectiva sobre a necesidade de eliminar os plásticos da vida diaria

11 Julio 2019 por
Valora este artículo
(1 Voto)
Silva e Caballero, este xoves en Samil. / Foto: vigo.org Silva e Caballero, este xoves en Samil. / Foto: vigo.org

Abel Caballero asistiu este xoves xunto á presidenta da Deputación de Pontevedra, Carmela Silva, á presentación da campaña informativa "Experiencias Sostibles", coa que o ente provincial quere concienciar á cidadanía dos efectos dos plásticos na saúde e no medio ambiente.

O alcalde de Vigo felicitou á presidenta da Deputación por esta acción, que se desenvolve por segundo ano consecutivo, e adiantou que dende o seu goberno están deseñando unha campaña de concienciación colectiva baixo o lema "Vigo libre de plásticos", que se iniciará despois do verán e que aspira a que sexa un exemplo en España e Europa. "Queremos que outras cidades españolas e europeas sigan esta mobilización", sinalou.

Así, o rexedor destacou o importante nivel de concienciación social sobre o medio ambiente e vida saudable que percibe nestes momentos no que "a gran peste se chama plásticos e están matando o planeta e o mar", polo que, dixo, "temos que actuar con contundencia. Temos que terminar cos plásticos". Así, animou á cidadanía a empregar bolsas de tela e empregar envases alternativos, biodegradables.

Abel Caballero referiuse tamén á elaboración da ordenanza municipal que limitará o tabaco nas praias de Samil, O Vao e as Illas Cíes tras a consulta web realizada na que participaron "40.000 persoas e o 80% dixo que as querían libres do fumo de tabaco", sentenciou.

Inicia sesión para enviar comentarios

sucesos

economía

economía

  • Últimas noticias

  • Más leído

Agenda

Sin eventos