20042018Vie
Última edición: Vie, 20 Abr 2018 9am

 

documental

O antes e o despois dos pobos asolagados polo encoro de Belesar

A asociación cultural O Castro de Vigo proxecta "Asolagados" e programa unha charla con Alfonso Eiré

12 Marzo 2017 por
Valora este artículo
(1 Voto)
Encoro de Belesar. Encoro de Belesar.

A asociación cultural O Castro de Vigo vai proxectar o documental "Asolagados" o martes 14 de marzo ás 19.30 h na A.V. Val do Fragoso, en Balaídos. Para presentalo contarán coa presenza do seu guionista Afonso Eire.

O documental "Asolagados" conta o antes e o despois dos pobos que foron asolagados polo encoro de Belesar. Conta coa gravación de imaxes dos restos das casas, dos fornos, dos hórreos, das adegas, das árbores, das vides... e sobre todo, das testemuñas da vida a carón do río nos anos 40, 50 e 60: os traballos, as anécdotas, a “emigración da ribeira á montaña”.... Imaxes e sons que describen a mudanza dunha parte da paisaxe da Ribeira Sacra e dunhas persoas que se viron obrigadas a reinventar a súa vida e costumes.

Este proxecto audiovisual foi realizado por David Vázquez, Luis García, Humberto Novoa e Cristina López con guión de Afonso Eiré en colaboración coa 'Asociación Educativo Cultural Airoá Comunicación' e con 'Televinte Chantada Comunicación S.L'. O encoro de Belesar trátase dun pantano artificial creado en 1963 no río Miño (o máis grande deste río), situado entre os concellos de Taboada, Chantada, O Saviñao, Paradela, O Páramo, Guntín e Portomarín. Foi creado para abastecer unha central hidroeléctrica, operada na actualidade pola empresa Gas Natural Fenosa.

A construción do encoro supuxo anegar case 2.000 hectáreas de terreo fértil, ademais da desaparición do Castro Candaz e da vila de Portomarín, que se reedificou preto da súa antiga localización. Outros lugares habitados desapareceron tamén baixo as augas do encoro, como Mourulle, Pincelo, Abeledo ou Portomeñe. Despois da proxección terá un lugar coloquio coa presenza de Alfonso Eiré, guionista do documental, xornalista e escritor.

Deja un comentario

Asegúrate de llenar la información requerida marcada con (*). No está permitido el código HTML. Tu dirección de correo NO será publicada.

  • El mejor café de España se sirve en Vigo
    El mejor café de España se sirve en Vigo El barista vigués Marcos González, que representaba a Galicia, se ha proclamado vencedor del Campeonato de España Fórum del Café, siendo distinguido como Barista de Oro 2018. En la gran final, disputada este miércoles, también ha obtenido el premio al…
    Leer más...

educación

  • A escola infantil do Álvaro Cunqueiro xa ten data de apertura
    A escola infantil do Álvaro Cunqueiro xa ten data de apertura A escola infantil do hospital Álvaro Cunqueiro entrará en funcionamento no próximo mes de setembro, con motivo do inicio do vindeiro curso escolar. A escola leva o nome de Merlín en alusión á primeira novela editada en galego polo escritor…
    Leer más...

Ocio

infraestructuras

  • Últimas noticias

  • Más leído

Agenda

Sin eventos