14102019Lun
Última edición: Lun, 14 Oct 2019 5pm

“Despois de reunirnos coa Xunta de Persoal do Hospital Álvaro Cunqueiro e con colectivos sanitarios constatamos que a peor gripe que sofre este país non é a dos pacientes, senón a gripo do goberno de Feijóo, non hai colapso das Urxencias, hai colapso da sanidade pública”. Así de contundente se mostrou este xoves en Vigo o voceiro de En Marea, Luís Villares, ás portas do centro hospitalario, que visitou acompañado das deputadas Eva Solla e Paula Quinteiro e maila a concelleira Marga López Barreiro.

A federación de sanidade de CCOO de Vigo denunciou este martes a “pasividade dos responsables sanitarios ao non dar solucións aos problemas das urxencias”, que estenderon os seus problemas ás urxencias extrahospitalarias. O sindicato alertou da “masificación” de todos os Puntos de Atención Continuada (PAC) da área sanitaria de Vigo: Porriño, Tui, A Guarda, Ponteareas, Cangas... “É un feito constatable no día a día”, afirman.

As últimas analíticas realizadas polos técnicos do Servizo de Control de Riscos Ambientais da Consellería de Sanidade confirman que os valores que se fixan para garantir a calidade da auga como son a cor, o ferro e a turbidez permanecen altos en varios puntos dos concellos da área metropolitana.

A Executiva Comarcal de Vigo da Federación de Sanidade de CCOO vén de denunciar a “masificación” do servizo de urxencias do hospital Álvaro Cunqueiro. Segundo revelan, este domingo pola tarde a afluencia de doentes non puido ser absorbida polas camas existentes e á primeira hora deste luns máis de 30 persoas tiñan orde de ingreso pero carecían de cama onde ingresar.

A Consellería de Sanidade inicia este luns na área territorial de Vigo a campaña de vacinación antigripal, que durará ata o 29 de decembro. No conxunto da área de Xestión Integrada de Vigo cóntase con 143 puntos de vacinación, repartidos entre centros de saúde e consultorios, centros hospitalarios públicos, hospitais e consultas médicas privadas, residencias e centros para a terceira idade, unidades asistenciais de drogodependencias, centros penitenciarios e centros de atención a discapacitados.

vigo

economía

economía