O primeiro premio foi para Alba Taboada Meijide, enfermeira (EIR de pediatría) do centro de saúde de Val Miñor pola súa fotografía “Coas nosas mans sostemos os teus coidados”; o segundo para Sara Barreiro Fernández, celadora do CHUVI por “Esperanza no futuro”; e o terceiro premio levouno Yolanda Basalo Alonso, celadora de quirófanos do Meixoeiro, por “Traballamos xuntas ao teu carón”.
Este concurso, enmarcado no conxunto de actividades conmemorativas do III Aniversario do Hospital, tivo un xurado composto por profesionais cualificados, como Alfonso Lubián e os tres responsables de fotografía dos xornais impresos locais: Ricardo Grobas, do Faro de Vigo; Mercedes Moralejo, da Voz de Galicia; e Jorge Landín, do Atlántico Diario.
Despois da entrega de premios, inaugurouse a Exposición na entrada principal do hospital coas fotografías seleccionadas entre todas as presentadas.