17012020Vie
Última edición: Vie, 17 Ene 2020 1pm

O Concello de Vigo ten en marcha varios programas de igualdade cun "número singular de actividades" como o obradoiro que deu comezo este luns no Auditorio Municipal baixo o lema ‘Mozas e mozos cambiando estereotipos’, que está dirixido a alumnado de ESO, Bacharelato e Formación Profesional de 21 centros educativos da cidade.

A Xunta de Goberno da Deputación de Pontevedra vén de aprobar a concesión de axudas, cun orzamento de 105.000 euros, a 21 entidades de iniciativa social sen ánimo de lucro de 10 concellos da provincia para o fomento da igualdade de oportunidades e a loita contra as violencias machistas no 2019.

O Castelo de Soutomaior acolleu este mércores a xornada ‘Muller e Poder’, que encheu de igualdade a fortaleza da man da Escola María Vinyals. Foi un encontro no que participaron diferentes personalidades e que serviu para confirmar a esta escola como un lugar “para reflectir, para formarnos e para que entendamos que o feminismo é a filosofía máis potente nunca creada, baseada nun mundo de igualdade onde todos e todas tiñamos o que nos corresponde”, en palabras da presidenta da Deputación, Carmela Silva, que clausurou os actos con estas verbas.

O Pazo de Vilavella de Redondela encheuse este xoves no acto de presentación do libro ‘Oito olladas sobre a folga feminista do 8 de marzo’, impulsado pola Deputación de Pontevedra e editado por Galaxia, ao que asistiron a presidenta da institución provincial, Carmela Silva, acompañada de deputadas e deputados, a coordinadora do libro, a escritora Inma López Silva, e cinco das súas autoras: a xornalista Susana Pedreira, a fotógrafa e profesora Ana Fresco, a funcionaria Sarai González, a matrona Susana Iglesias e a estudante Sandra Núñez.

Por cuarto ano consecutivo a Deputación de Pontevedra vai impulsar desde esta ponte de decembro e ata o Nadal a campaña para a promoción da adquisición e uso de xogos e xoguetes igualitarios. Co nome de ‘Xogar sen fendas’, desta volta a campaña pretende rachar cos estereotipos vixentes no eido das ciencias, centrando a súa imaxe en nenas que xogan con foguetes, con coches e robots, que mesmo tocan a lúa e traballan con átomos e fórmulas matemáticas.

sucesos

celebración

tribunales