22072019Lun
Última edición: Dom, 21 Jul 2019 2pm

Os nenos e nenas dos concellos de Mondariz e de Covelo terán a súa consulta de pediatría no centro de saúde de Mondariz a partir do próximo 1 de xuño. É a decisión que adoptou a dirección da área sanitaria de Vigo e que beneficiará á poboación infantil destes dous concellos, que non terán que desprazarse ata Ponteareas como o veñen facendo na actualidade.

A xerencia da área sanitaria de Vigo vén de nomear a tres novos xefes de servizo doutros tantos centros de saúde. En concreto, trátase dos centros de Casco Vello, A Cañiza e Redondela, que tiñan ata agora vacante o posto. Os tres novos xefes de servizo xa desempeñaban o seu traballo como facultativos neses mesmos centros e dispoñen dunha dilatada experiencia, tanto en Atención Primaria como nos propios centros, nos que levan anos traballando.

O Concello de Ponteareas entregou un lote de libros e cómics ao centro de saúde da vila para a sala de espera da área de Pediatría, de tal xeito que os pacientes máis cativos, así como os preadolescentes usuarios deste servizo, poidan desfrutar da lectura ao tempo que esperan a ser atendidos.

“Movendo as neuronas” é o título do proxecto comunitario de investigación do centro de saúde do Val Miñor que ven de recibir un premio nacional da REAP, Rede Nacional de Atención Primaria -Asociación científica que ten por obxectivo principal promover e desenvolver a investigación e a formación no primeiro nivel asistencial-.

A Xunta de Galicia, a través da Axencia Galega de Infraestruturas, publica este xoves a adxudicación da construción do novo centro de saúde de Salceda de Caselas por un importe de 1.679.168 euros. A empresa adxudicataria do concurso público foi Construciones Iglesias Mera S.L, e ten un prazo máximo de execución de 15 meses.

vigo en festas 2019

vigo