12112019Mar
Última edición: Lun, 11 Nov 2019 7pm

Na recta final de campaña, a portavoz nacional do BNG, Ana Pontón, aproveitou un acto co sector da automoción en Vigo para apelar a todas as persoas que queren que Galicia conte e a todas as que están cabreadas cunhas forzas estatais que, ao seu xuízo, nin deron a cara polos galegos e galegas nin foron capaces de avanzar en dereitos e liberdades.

O Bloque Nacionalista Galego comprometeuse a facer valer a cidade de Vigo no Congreso a partir do 10N. Así o asegurou o candidato número dous pola circunscrición de Pontevedra, o vigués Xesús L.Carreira, que compareceu esta mañá en rolda de prensa canda a ex deputada e candidata, Olaia Fernández Davila, e mais o portavoz municipal do Bloque en Vigo, Xabier P. Igrexas.

O BNG de Vigo reprochou este sábado a Pedro Sánchez o seu veto reiterado a unha tarifa eléctrica galega para potenciar a actividade industrial. O concelleiro do BNG en Vigo, Xabier P. Igrexas, lembrou que o actual presidente do Goberno e candidato socialista non permitiu reducir a factura eléctrica ás industrias galegas como si o fixo con Euskadi.

En vésperas do día internacional sen coches, que se celebrará este domingo, o Bloque Nacionalista Galego demanda do Goberno municipal de Vigo “audacia, valentía e modernidade” para apostar de maneira decidida por unha mobilidade “moderna e ambientalmente sostíbel”, reforzando e mellorando de maneira susbtancial o servizo de transporte público.

O Bloque Nacionalista Galego proporá dotar o Concello de Vigo dun Plan de Pago Personalizado para o abono de impostos e taxas. Desta maneira, todas as persoas físicas, as PEMEs e as entidades sen ánimo de lucro poderían fraccionar o pago dos tributos municipais en ata doce mensualidades sen ningún tipo de recargo nin a aplicación de xuros.

sucesos

mar

navidad