Segundo explicou o alcalde de Vigo en rolda de prensa, en total son 70.000 euros para axudar ás empresas de nova creación a pór en marcha o negocio.
Poderán concorrer a esta convocatoria pública entidades e empresas privadas, independentemente da súa forma xurídica, comunidades de bens, sociedades civís, sociedades cooperativas, sociedades laborais e persoas emprendedoras que causen alta no réxime especial de autónomos ou en calquera outro réxime especial por conta propia da Seguridade Social ou mutualidade de colexio profesional. Non poderán solicitar estas axudas as entidades sen ánimo de lucro nin as persoas físicas distintas do disposto na información anterior
Para acollerse a estas axudas terán que ter iniciado a súa actividade empresarial no municipio entre o 1 de abril de 2018 e o 31 de marzo de 2019 (entendendo por inicio de actividade a alta no I.A.E.), ter viabilidade técnica, económica e financeira e que cumpran coas obrigas e os requisitos establecidos na convocatoria.
As axudas teñen por finalidade subvencionar parte dos gastos da posta en marcha e do funcionamento da empresa durante os primeiros meses de actividade. O importe máximo destas axudas será de 3.000 euros por empresa beneficiaria e non poderá superar o 50% dos gastos efectuados durante o período indicado nin tampouco exceder da contía total do investimento inicial realizado polos/as promotores/as.
Os gastos que poderán ser subvencionables corresponderán aos tres meses anteriores e aos tres meses posteriores ao inicio da actividade, agás os gastos de constitución e apertura que poderán corresponder ao período comprendido desde os seis meses antes do inicio da actividade ata a data límite de presentación das solicitudes.