22072019Lun
Última edición: Dom, 21 Jul 2019 2pm

Trofeo Cidade de Vigo de karate

Bouzas acolle este sábado o Trofeo Cidade de Vigo de karate

A organización confirmou a participación duns 80 karatekas, dende categoría infantil a sénior, nas modalidades de kata e kumite (masculina e feminina) e kobudo (por equipos mixta)

29 Noviembre 2018 por
Valora este artículo
(0 votos)
O evento foi presentado este xoves. / Foto: Concello de Vigo O evento foi presentado este xoves. / Foto: Concello de Vigo

O concelleiro de Deportes, Manel Fernández, presentou este xoves o Trofeo Cidade de Vigo de karate, que se celebra este sábado (17:00 horas, Pavillón Pablo Beiro de Bouzas) que un ano máis patrocina o Concello e organiza a Asociación Deportiva Zanshin.

Acompañado polo presidente da Asociación Deportiva Zanshin, Fernando Álvarez, e os karatekas sénior Óscar Sánchez, Sheila Álvarez e Sergio Pérez, ademais do xuíz Alfonso Rodríguez, o concelleiro pediu á cidadanóa que se achegue ao campionato, que terá entrada de balde. "É un evento que vai encher de alegría, paixón e ilusión o polideportivo boucense", sostivo Fernández.

A organización confirmou a participación duns 80 karatekas, dende categoría infantil a sénior, nas modalidades de kata e kumite (masculina e feminina) e kobudo (por equipos mixta), con presenza de entidades deportivas de Galicia, Madrid, Asturias e Cantabria entre clubs e colexios. "É un novo chanzo para a difusión e promoción do karate en Vigo", afirmou o concelleiro.

Fernando Álvarez, presidente da asociación viguesa, lembrou que o evento, iniciado no ano 2000, cumpre a súa maioría de idade nesta vixésima edición (houbo dous nun mes ano). E faino coa boa nova da recuperación de Sheila Álvarez para a competición.

Ademais do Zanshin, do Okinawa e do Traviesas e dos colexios San Salvador de Teis e Compañía de María, competirán o Lorenzo Parra (Madrid), Shotokan (Santander), Shotokan (Oviedo) e Mizukami (Ribadavia).

"Cada ano tentamos ser un pouquiño mellores", sinalou Álvarez. Tódalas modalidades disputaranse por sistema de liguiña e o dirixente aposta polos seus karatekas para revalidar título (Óscar Sánchez, kumite) e para gañalo (Sheila Álvarez, kata).                               

Deja un comentario

Asegúrate de llenar la información requerida marcada con (*). No está permitido el código HTML. Tu dirección de correo NO será publicada.

vigo en festas 2019

vigo

  • Últimas noticias

  • Más leído