Máis que Auga súmase á Semana Europea do Deporte cunha programación de actividades gratuítas para calquera persoa, sexa socia ou non, ata o 26 de setembro. Ademais, durante a fin de semana do 25 e 26 de setembro os seus tres centros de Vigo celebrarán unhas xornadas de portas abertas que permitirán coñecer as instalacións e pasarse pola sala fitness e/ou a piscina.
O obxectivo desta iniciativa da Comisión Europea, que se celebrará en todos os países membros da Unión Europa, é promocionar o deporte e combater o sedentarismo. Así, Máis que Auga contará cunha programación de actividades variadas (de auga e seco) en todos os centros nas que se poderá apuntar quen o desexe de xeito gratuíto ata completar o aforo dispoñible. Haberá desde as máis clásicas (zumba, aquagym) ás máis novas (pyro, invicto, zenyo) ou as máis relaxadas (pilates, taichi ou ioga), en diferentes horarios.
As portas abertas para a sala fitness de Barreiro e Navia serán de 10:30 a 13:30 horas, mentres que en Coia adiántanse media hora (de 10.00 a 13:00 horas). As piscinas dos tres centros poderán ser visitadas durante a fin de semana, o sábado pola tarde (de 14.00 a 21:00 horas) e o domingo de 09.00 a 13:30 horas.
