Louzán recibiu a alta hospitalaria a última hora do domingo, produto da súa evolución favorable. O dirixente quixo agradecer publicamente a través dun comunicado da FGF todas as mostras de apoio e cariño recibidas durante estes días.
Igualmente, salientou a atención recibida polos equipos médicos do Hospital Domínguez de Pontevedra e do Hospital Vithas Fátima Vigo.
O que foi presidente da Deputación de Pontevedra durante doce anos descansa agora no seu domicilio á espera de poder retomar canto antes a súa axenda coa FGF.
