16072018Lun
Última edición: Lun, 16 Jul 2018 5pm

O Sárdoma procura a Copa Deputación ante o Atlético Arousana

O equipo vigués, recente campión da Copa Vigo, quere resarcirse da súa derrota de 2015 fronte o cadro do Salnés. O partido poderase seguir en directo pola internet

19 Junio 2017 por
Valora este artículo
(0 votos)
O plante do Sárdoma celebra o título acadado na Copa Vigo recentemente. / Foto: Sárdoma CF O plante do Sárdoma celebra o título acadado na Copa Vigo recentemente. / Foto: Sárdoma CF

O Sárdoma ten ante si a posibilidade de erguer un novo título coa disputa da final da Copa Deputación de fútbol feminino. Despois de proclamarse campión da Copa Vigo, o conxunto vigués loitará este martes en Cambados (21.15 horas) polo título provincial.
Non llo porá nada fácil o seu rival, un Atlético Arousana que xoga case coma local nunha edición na que a vila do Salnés acolle o partido decisivo co gallo do seu nomeamento como Cidade Europea do Viño “Pola Igualdade” 2017.

Así, repítese o duelo decisivo do ano 2015, no que se viron as caras os mesmos equipos con resultado favorable para as arousanas (2-1), que veñen de clasificarse para a súa terceira final consecutiva. Ambos buscan suceder ao Olivo, gañador da edición do ano pasado.

O adestrador do Sárdoma, Marcos Canle, que conta co seu plantel ao competo, non agocha que conquistar o dobrete sería o máximo. Mentres, o técnico Fernando González avisou de que o Atlético Arousana chega “un pouco xustiño” a esta final. Sen Sara Pazos, Sara González e Irene, mancadas, e coas dúbidas de Nerea e Adela, apelará ao equipo que remontou en Barrantes dez días atrás.

Por primeira vez a final será dirixida por una muller, a colexiada Elena Casal. As súas asistentes serán Sofía Gándara e Paula Balboa.

Ao campo de Burgáns asistirán a presidenta da Deputación, Carmela Silva e a alcaldesa de Cambados, Fátima Abal. Con todo, o encontro poderase seguir pola internet, xa que será retransmitido desde a páxina web do organismo provincial.

Deja un comentario

Asegúrate de llenar la información requerida marcada con (*). No está permitido el código HTML. Tu dirección de correo NO será publicada.

medio ambiente

tráfico de drogas

  • Comienza la modernización del transporte
    Comienza la modernización del transporte Uno de los indicadores más claros del progreso de una sociedad es la calidad de su transporte públilco. El próximo año finaliza la mayor parte de las concesiones de autobús que recorren cada día la geografía gallega y que fueron…
    Leer más...

ciencia

  • Últimas noticias

  • Más leído