O combinado cadete dirixido polo vigués Eduardo González ‘Edu’ gañou o seu segundo partido ante o equipo de Baleares (1-0) e rematou a primeira fase con tres puntos. Deste xeito, o combinado galego medírase a Madrid e Valencia. As datas previstas para este torneo son o fin de semana do 14 e 15 de febreiro. Será unha eliminatoria de paixón. A selección galega debe gañar os seus dous encontros para asegurar o pase á fase final do Campionato de España.
Galicia: Malena Mieres, Navia Rendo, Teresa Abelleira, Goretti Neira (Sara González min.79), Lara Martínez, Laura Rodríguez, Rosalia Muiño, Carolina Brañas (Lucía Pardo min.55), Inés Faro (Ángela Novoas min.53), Laura Vázquez, Sara Deben (Carolina Agulla min.67).
Illes Balears: Catalina Thomas Coll, Denitsa Ivanova (Leoni Henrich min.41), Andrea Alcaide, Gema Arrabal, Catalina Serra (Crisitina de Andrés min.74), Rocío García (Desiré Hernández min.53), Ruth Álvarez, Vivien Becker, Nuria Soler, Lorena Allés (Marina Orozco min.66), Paula Sintes.
Gol: 1-0 Laura Rodríguez min.82.
Árbitro: Fernando Parra asistido en bandas por Cayetano Trzeciak e Javier Gil.
Selección sub-18
Pola súa banda, a selección sub-18 dirixida polo vigués Quin Balbuena rematou cun empate sen goles o torneo de Navarra e terá moi complicada a clasificación para a fase final no mes de febreiro. No partido de peche do grupo, o equipo galego volve a ter a posesión e a crear máis perigo que o seu rival pero errou nos últimos metros. Unha falta de eficacia ante a portería rival que condeou as galegas a rematar sen goles e con un punto o evento.
Galicia: Carmen, Sabela, Raquel Bejar, Sara Pazos, Ari, Ceci, María, Nerea, Nuria Rábano (Ángela, min. 21), Ana (Leticia, min. 75) e Noelia (Carla, min. 69).
Illes Balears: Sandra, Yamila (Zaida, min. 53), Ana, Marina, Paula, Bárbara, Margarita (Aiona, min. 70), Rebeca Delgado (Nicole, min. 53) (Marina, min. 85), Rebeca Escalas, Irene e Diana.
Árbitro: Palomo Fuentetaja (Colexio Navarro), auxiliado por Jon Del Olmo e David Casabona. Amosou cartón amarelo a Nerea e Carla por Galicia e a Bárbara e Nicole por Baleares.
