Bera Bera arrincou o duelo de maneira irresistible ante un Prosetecnisa Zuazo coa defensa moi afundida que non evitaba as penetracións da primeira liña rival. Steinbach puido contestar aos dous primeiros golpes de Ana Isabel Martínez, pero os erros ao finalizar desde o extremo deron unha vantaxe de tres tantos ás donostiarras que obrigou a Barcenilla a parar o partido máis pronto do que el desexase (2-5 min. 6).
Tras o tempo morto, o escenario non cambiou. As de Barcenilla buscaron a Ainhoa Hernández, pero Bera Bera tiña ben pechada a conexión coa liña de seis metros e puido roubar varios balóns consecutivos que lle permitiron ampliar aínda máis a súa vantaxe ao contraataque. A primeira exclusión do partido, nas filas do Bera Bera, tampouco permitiu a Zuazo aproximarse, quedando como único argumento nas filas do equipo de Barakaldo os lanzamentos de Steinbach desde a liña de sete metros (5-12, min. 16).
Coincidindo cos minutos de axuste das xogadoras que entraran a pista tras as rotacións na primeira liña donostiarra, Bera Bera perdeu frescura en ataque estático, pero mantivo a súa firmeza defensiva e conservou as diferenzas contraatacando (8:15, min. 23). O novo tempo morto nas filas biscaíñas tampouco aclarou as ideas e Bera Bera seguiu lanzado ata o descanso, con Ana Temprano baixo paus uníndose ao gran partido de todas as súas compañeiras (10:17).
Tras o paso por vestiarios, Bera Bera continuou aplicando o seu rodete mentres Zuazo daba mostras de cansazo. Unha exclusión de Ainhoa Hernández aproveitada á perfección, con protagonismo de Beatriz Fernández na anotación, elevou a doce a diferenza no electrónico a falta de vinte minutos para o final (12:24, min. 40). O partido xa non tivo historia e as de Montse Puche puideron gozar dun plácido final de partido ata o bocinazo final (17:33 final).
Ao finalizar o partido, os galardóns individuais ás mellores xogadoras do encontro foron a mans de Ana Temprano do Bera Bera e de Laura Steinbach do Prosetecnisa Zuazo. Finalmente, Francisco V. Blázquez, presidente da Real Federación Española de Balonmán, xunto á alcaldesa de Porriño, Eva García de la Torre, fixeron entrega do trofeo que coroa ao Bera Bera como novo campión de Copa.
Prosetecnisa Zuazo (10+7): Nerea Elicegu (2), Estíbaliz Velasco (1), Jéssica Nogueiras , Ainhoa Hernández (1), Oihane Manrique (1), Oihane Gil, Maialen Agirregomezkorta (1), Izaskun Mujika, Ainhoa Azaola (1), Alexandra Gil, Maddi Aalla, Laura Steinbach (8), Ángela Martín, Mercedes Casteláns, Nayla de Andrés (2), Verónica Berastain.
Bera Bera (17+16): Maialen Husillos (1), Esther Arrojería (1), Judith Sans (3) , Tania Yáñez (1), Uxue Ezkurdia (3), Alba Menéndez (1), Maialen Mugika, Ana Cedo, Maitane Etxeberria (4), Maite Zugarrondo, Eli Pinedo (1), Eider Lizarbe, Alicia Fernández (4), Ana Isabel Martínez (7), Beatriz Fernández (5), Silvia Ederra (2).
Parciales: 2:4, 3:8, 5:10, 6:14, 8:15, 10:17 (descanso), 12:20, 12:24, 14:27, 16:28, 16:30, 17:33 (final).
