25082019Dom
Última edición: Sáb, 24 Ago 2019 10pm

Homenaxe en Vigo a José Luis Torrado Casal ‘O Bruxo’

O secretario xeral para o Deporte entrégalle unha placa recordo e asegura que a súa vida “subscribe punto por punto a definición de olimpismo

21 Julio 2019 por
Valora este artículo
(0 votos)
O Bruxo foi homenaxeado en Vigo. / Foto: Xunta O Bruxo foi homenaxeado en Vigo. / Foto: Xunta

O secretario xeral para o Deporte, José Ramón Lete Lasa, participou este sábado na reunión de atletas veteranos de Galicia na que se lle rendeu homenaxe a José Luis Torrado Casal ‘O Bruxo’.

O mandatario galego entregou unha placa recordo ao recuperador nacido en Mugardos en recoñecemento de toda a súa traxectoria e gabou a súa figura da que dixo que se compón de “maxia e olimpismo a partes iguais”.

Por unha banda falou dese compoñente máxico que se entende a escoitar as historias dos seus milagres como o do saltador italiano, Giuseppe Gentile, que “tras estar literalmente coxo en México 68, decidiron levarllo a Torrado e cinco días despois logrou a medalla de ouro batindo o récord do mundo de triplo salto”.

No que respecta ao olimpismo, o secretario xeral citou algunhas liñas da carta olímpica que o definen como “unha filosofía da vida, que exalta e combina nun conxunto harmónico as calidades do corpo, a vontade, e o espírito”. A vida de Torrado, dixo, “subscribe punto por punto a definición de olimpismo; unha filosofía de vida que levou como bandeira nos cinco Xogos Olímpicos aos que acudiu: México 68, Múnic 72, Montreal 76, Seúl 88 e Atlanta 96”.

Inicia sesión para enviar comentarios

sucesos

navidad 2019

transporte

celta

patrimonio de la humanidad

  • Últimas noticias

  • Más leído