22092018Sáb
Última edición: Sáb, 22 Sep 2018 10pm

As Barbies “intervidas” chegan a Vigo para remover conciencias

Inaugurase na Casa das Ares a exposición ‘Rompe. Xoga en igualdade”, que busca rachar cos estereotipos de beleza e o arquetipo da muller obxecto

10 Abril 2018 por
Valora este artículo
(0 votos)
A mostra estará aberta en Vigo ata o 13 de maio. A mostra estará aberta en Vigo ata o 13 de maio.

A Deputación de Pontevedra inaugura este mércores, ás 19.30 horas na Casa das Artes, a exposición ‘Rompe. Xoga en igualdade’, ideada con motivo do 8 de marzo. Tras o seu paso polo Pazo Provincial de Pontevedra a mostra comeza agora a percorrer os concellos da provincia que así o soliciten. Posta en marcha por Isabel Blanco e Irene Silva e con fotografías de Noemí Chantada, a exposición está protagonizada polas famosas bonecas Barbie, que foron “intervidas” para denunciar de xeito rompedor a desigualdade entre mulleres e homes.

Consta de 18 paneis cheos de poesía visual e que teñen por obxectivo cambiar o mundo e golpear as conciencias. As protagonistas dos paneis amosan as situacións de desigualdade, violencia e discriminación que viven as mulleres dende nenas, recalcando na importancia do xogo para a educación, transmisión de valores e formación das nenas e dos nenos.

Seleccionouse a Barbie para a mostra por tratarse da boneca máis famosa da historia, coa que a diario xogan milleiros de nenas do mundo pero que, ao tempo, transmite valores sexistas, presentando a unha muller obxecto, que se están a reproducir tanto nos xogos como nas condutas das nenas e nenos.

Deste xeito, as artistas creadoras da mostra interviñeron as bonecas para romper e reivindicar a igualdade entre mulleres e homes e concienciar á sociedade para que se poña fin á discriminación e á violencia machista. Trátase dunha mostra cun importante valor simbólico, e por elo, diante de cada peza haberá un martelo co fin de trasladar a idea de romper con esa situación.

Esta mostra reivindicativa poderá visitarse na Casa das Artes ata o domingo 13 de maio e estará aberta ao público de luns a venres en horario de 18.00 a 21.00 horas; os sábados de 12.00 a 14.00 horas e de 18.00h a 21.00 horas; e os domingos e festivos de 12.00 a 14.00 horas.

Deja un comentario

Asegúrate de llenar la información requerida marcada con (*). No está permitido el código HTML. Tu dirección de correo NO será publicada.

celta

in memoriam

  • Hasta pronto, Juan Costa
    Hasta pronto, Juan Costa Los Bancos de Alimentos de la Federación Española (Fesbal), llevamos en nuestros estatutos los principios de ser aconfesionales y apolíticos. Sin embargo, los voluntarios que los componemos, al margen de ser libres para elegir personalmente cualquier opción político/religiosa, somos seres…
    Leer más...

polémica

  • Últimas noticias

  • Más leído

Agenda

Sin eventos