25082019Dom
Última edición: Dom, 25 Ago 2019 7pm

cultura urbana

Festival do Marisquiño "para sempre" en Vigo

Caballero e Silva avanzan que o Concello e a Deputación seguirán a patrocinar a cita co deporte urbano e Regades adianta que a Zona Franca tamén dará o seu apoio a vindeira edición

02 Agosto 2018 por
Valora este artículo
(0 votos)
Presentación do festival. / Foto: Deputación de Pontevedra Presentación do festival. / Foto: Deputación de Pontevedra

O festival do Marisquiño, que Concello e Deputación patrocinan con 400.000 euros, celébrase do 10 ao 12 de agosto. Caballero destacou que este tipo de iniciativas conxuntas entre administracións públicas e empresas privadas "supoñen unha nova forma de entender Vigo.

Do 10 ao 12 de agosto Vigo volverá ser capital mundial do deporte e a cultura urbana coa celebración de O Marisquiño, que celebra este ano a súa XVIII edición con previsións de superar os centos de miles de persoas que participaron en anos anteriores.

O Concello e a Deputación de Pontevedra asinaron este xoves un convenio de colaboración polo que achegan ao evento un total de 400.000 euros, 180.000 a Deputación e o resto o Concello. Despois, nunha visita ás obras de montaxe, Caballero asegurou que manterán o seu apoio a este festival "para sempre" xa que, afirmou, "é un evento a nivel mundial que mobiliza a persoas de todas as idades e adquire cada ano maiores dimensións". O alcalde tamén animou a Zona Franca a colaborar no evento para o próximo ano, ao que o presidente, David Regades, comprometeuse. "Zona Franca quere estar nos eventos que fortalecen a economía da cidade e este, claramente, é un deles, xa que é esencial para os hoteis, os restaurantes e os servizos de Vigo, por iso comprométome o ano que vén participar no convenio", indicou.

Caballero destacou que este tipo de iniciativas conxuntas entre administracións públicas e empresas privadas "supoñen unha nova forma de entender Vigo, na que todos unimos as nosas forzas obtendo grandes resultados".

Pola súa banda, a presidenta da Deputación, Carmela Silva, mostrou a súa satisfacción por que "o Marisquiño sitúa Vigo en todos os lugares do planeta e iso ten un valor incalculable" e destacou que a administración que preside "inviste máis en Vigo máis que ningunha outra, unha débeda histórica que tiñamos coa cidade".

O Marisquiño, cuxas actividades poden gozarse de forma totalmente gratuíta, reúne por primeira vez a tres futuras disciplinas olímpicas: skate, BMX e Basket 3x3. Carlos Domínguez " Pity", director do festival, asegurou que van participar grandes figuras do deporte urbano internacional como Jake Ilardi, Leticia Bufoni e Nicholi Rogatkin, "ademais dalgún xogador da NBA, no Basket 3x3, que anunciaremos máis adiante".

O reforzo das actuacións musicais no festival, dentro do Super Bock Live Music, é outra das novidades desta edición. "Cada vez somos máis internacionais e, proba diso, é que este ano un medio de Rusia vai mandar a un correspondente especificamente para o evento", comentou Pity, que lembrou, ademais, que varias probas poderanse seguir en directo desde calquera parte do mundo a través de Internet.

Inicia sesión para enviar comentarios

sucesos

transporte

celta

sucesos

patrimonio de la humanidad

  • Últimas noticias

  • Más leído