26092018Mié
Última edición: Mar, 25 Sep 2018 8pm

teatro

Afundación presenta "Rubicundo" en Vigo na súa programación para escolares

Máis de 4.100 alumnas e alumnos de 73 centros escolares de Vigo e arredores gozarán desta proposta teatral

10 Noviembre 2017 por
Valora este artículo
(1 Voto)
"Rubicundo". / Foto: afundacion.org "Rubicundo". / Foto: afundacion.org

A obra de teatro Rubicundo será levada á escena no Teatro Afundación de Vigo (Policarpo Sanz, 13) da man de Afundación e a súa programación de actividades para escolares.

As representacións serán os días 13, 14, 15, 16 e 17 de novembro con dúas funcións diarias en horario de 10.00 e 12.00 h. Máis de 4100 alumnas e alumnos de 3.º e 4.º curso de educación primaria de 73 centros escolares de Vigo e provincia acudirán a ver esta produción en galego de Teatro dos Ghazafelhos.

A obra de teatro Rubicundo, da compañía Teatro dos Ghazafelhos, é unha adaptación do conto homónimo da escritora ceense María Canosa na que tres personaxes interactúan con obxectos, monicreques e bailan e cantan en directo. Conta a historia de Erea, unha nena curiosa e soñadora que ve todas as noites como Rubicundo, un misterioso personaxe enfundado nun gabán e un sombreiro de copa, sae na súa bicicleta desde o seu xardín. Ninguén se fixa nel excepto Erea, que está disposta a chegar ata o final deste misterio.

A produción teatral Rubicundo conta unha historia sobre a amizade, a constancia e a poesía, animando os nenos e nenas a perseguir as súas metas sen sentir límites nin distancias.

A proposta enmárcase dentro das actividades educativas para escolares programadas para o curso 2017 – 2018 que teñen como obxectivo reforzar a formación extracurricular que os estudantes reciben nas súas aulas. Así, a programación deseñada por Afundación promove unha educación en competencias transversais que potencian nos estudantes o talento, a autonomía, a solidariedade, a creatividade, a autoestima ou o traballo en equipo.

Deja un comentario

Asegúrate de llenar la información requerida marcada con (*). No está permitido el código HTML. Tu dirección de correo NO será publicada.

PUBLICIDAD

vigo

comarcas

escapada

  • Últimas noticias

  • Más leído