13112019Mié
Última edición: Mar, 12 Nov 2019 9pm

galardón

O Festival de Cans recolle o Premio da Cultura Galega

Cerca de medio centenar de veciñas e veciños da parroquia porriñesa desprazaranse ata o mosteiro de Montederramo para estar presentes na entrega do prestixioso galardón

11 Enero 2019 por
Valora este artículo
(0 votos)
O recoñecemento será entregado polo presidente da Xunta. / Foto: Festival de Cans O recoñecemento será entregado polo presidente da Xunta. / Foto: Festival de Cans

O intenso traballo do Festival de Cans nas últimas edicións foi recoñecido este ano co Premio da Cultura Galega que outorga a Xunta de Galicia e que, este venres 11 de xaneiro, o certame recollerá nun acto institucional no mosteiro de Montederramo (Ribeira Sacra) da man do presidente autonómico, Alberto Núñez Feijóo. Ademais, tamén está prevista a asistencia de numerosas personalidades da vida cultural e política da rexión.

O Premio da Cultura Galega é o galardón máis relevante en materia cultural que outorga a Xunta de Galicia, e será a primeira vez que se conceda a un festival de cinema. O Festival de Cans recibirá o galardón -unha estatuiña do escultor Acisclo Manzano- xunto a personalidades de gran traxectoria no eido da cultura galega, coma o historiador Ramón Villares, o escritor Xosé María Álvarez Cáccamo ou o prestixioso filólogo e investigador Antón Santamarina, ou a creadora Luz Darriba, entre outros.

Con motivo desta ocasión excepcional, cerca de medio cento de veciñas e veciños que colaboran habitualmente co Festival Cans desprazaranse ata o mosteiro de Montederramo convidados pola Consellería de Cultura da Xunta e polo propio Festival. A veciñanza de Cans tamén estará acompañada pola alcaldesa de O Porriño, Eva García de la Torre, nesta cerimonia de entrega á que están convidadas arredor de 300 persoas.

Moitas destas veciñas e veciños colaboran cedendo as súas casas, prestando os seus jalpóns e alpendres e poñendo os seus chimpíns a disposición das persoas que visitan este certame que traballa a prol da divulgación do traballo dos creadores e creadoras audiovisuais e que reúne en cada edición arredor de 12.000 persoas.

En representación deles recollerá o premio Alicia Sánchez, a Señora a Alicia, que presta a leira para os coloquios e o seu jalpón. Con 90 anos, a Señora Alicia segue a ser unha das colaboradoras máis fieis e entusiastas do festival. Acompañarana na recollida do premio Keka Losada, Presidenta da Asociación Arela, e Alfonso Pato, director do Festival.

Outros galardóns
Con este Premio da Cultura Galega o Festival de Cans convértese nun dos eventos culturais máis recoñecidos de Galicia, avalado por unha traxectoria de múltiples galardóns de prestixio. Entre estes recoñecementos está o Premio da Crítica de Galicia á mellor iniciativa cultural (concedido en 2009), o Premio Cultura da Deputación de Pontevedra ao mellor proxecto cultural innovador (no ano 2011), ou Premio Internacional Ateneo de Ourense ao fomento da cultura (recibido en 2013).

Outros galardóns recibidos foron o Premio Círculo á traxectoria cultural, recibido en 2010, ou Premio Ascaso, concedido polo singular Festival de Ascaso (Huesca) en 2015, pola divulgación do cine de autor no entorno rural.

O Festival de Cans, que celebrará entre os vindeiros 22 e 25 de maio a súa XVI edición, abriu esta mesma semana a convocatoria para a recepción de obras a concurso, que se prolongará ata o 3 de marzo.

Inicia sesión para enviar comentarios

mar

navidad

  • Últimas noticias

  • Más leído

Agenda

Sin eventos