En concreto, los cursos que oferta el Marco son nuevos ciclos a cargo de Ana Pereira y José Manueñ López
O prazo de matrícula para dous cursos sobre cine, arte e música contemporánea no museo Marco e outros dous do Servizo de Normalización Lingüística do Concello permanece aberto para aqueles adultos interesados en anotarse.
En concreto, nestes días continúa aberto o prazo de matrícula para dous dos cursos de adultos que se desenvolverán no Marco nesta tempada 2016-17: novos ciclos a cargo de Ana Pereira e José Manuel López, coa colaboración de relatores invitados, que ofrecen diferentes visións e percorridos pola historia da escultura e do cinema, que terán lugar entre os meses de otubro 2016 e maio de 2017.
Trátase de:
LINGUAXES ESCULTÓRICAS CONTEMPORÁNEAS. Do monumento conmemorativo á performance
Do 19 outubro 2016 ao 24 maio 2017
Organiza: Marco, Museo de Arte Contemporánea de Vigo
Docente: Ana Pereira Molares
Lugar: salón de actos
Horario: mércores, de 19.30 a 21.00
A historia da escultura moderna e contemporánea é a dun proceso de transformación que a apartou do seu carácter estatuario para se converter nunha práctica autónoma emancipada do lugar, do pedestal, de referencias simbólicas e de modelos. O concepto escultórico clásico será redefinido e analizado en toda a súa profundidade, a través de exploracións plurais e camiños diversos. Este curso formula unha aproximación ás linguaxes escultóricas contemporáneas que reflicta, non soamente os cambios experimentados pola propia práctica da escultura, ou a súa relación co contexto social, senón tamén as transformacións na percepción da obra.
Do 20 outubro 2016 ao 11 maio 2017
Organiza: Marco, Museo de Arte Contemporánea de Vigo
Docente: José Manuel López, coa colaboración de relatores invitados
Lugar: salón de actos
Horario: xoves, de 19.30 a 21.00
A multiforme historia do cinema podería entenderse como unha vasta rede de correspondencias e filiacións entre películas e cineastas de moi diferentes épocas e xeografías, algunhas evidentes e intencionadas, outras máis leves, case secretas, e outras que só existen na experiencia afectiva do espectador. A intención deste curso é pensar a historia do cinema como un espello sen fondo do que as películas serían reflexos e no que conviven imaxes de todo tempo e lugar. Ao longo de vinte e trés sesións faremos “chocar” corenta e seis películas entre si a través dos seus reflexos temáticos, políticos, conceptuais e/ou formais, invitando a unha relectura crítica dalgunhas das historias posibles do cinema.
A matrícula de los cursos pecharase unha vez cubertas todas as prazas. Tanto os programas detallados como as fichas de inscrición, información sobre prezos de matrícula e descontos especiais están dispoñibles na taquilla do Marco (en horario de 11.00 a 14.30 e de 17.00 a 21.00 de martes a sábados, e de 11.00 a 14.30 os domingos) ou a través do email info@marcovigo.com, así como no apartado ‘Actividades’ da web.
Máis información e programas de cada curso en http://www.marcovigo.com/es/actividades
Ademais, este outono poñerase en marcha unha nova proposta relacionada co curso AGUZAR O OÍDO, en colaboración con Vertixe Sonora e no contexto do Festival Vertixe, que terá lugar do 13 de outubro ao 17 de novembro, e da que proximamente se enviará máis información xunto co programa completo do Festival.
Cursos de Normalización Lingüística
Por outra banda, dende a Concellaría de Normalización Lingüística se organiza un curso básico de galego. O curso é de balde e terá unha duración de 40 horas nas que se traballarán os contidos gramaticais, ortográficos, léxicos, etc.
Curso Básico de Galego
Datas: 17, 18, 24, 25 de outubro; 2, 7, 8, 14, 15, 21, 22, 28, 28 de novembro; 12, 13, 14 decembro
Lugar: 2.º andar do Centro Local de Emprego e das Ocupacións (edificio Fernando Carreras, da rúa Areal-O Porto -antiga reitoría)
Horario: de 18:30 a 21:00
Para inscribirse deben enviar os seus datos (nome completo, teléfono) ao correo electrónico actividades.snl@vigo.org
O outro curso tamén achega a lingua galega aínda que centrándose en conceptos vinculados co mar.
Curso de auga salgada «Chegou o mar á ribeira»
A curso da auga é unha oferta de Normalización Lingüística para achegarlle á sociedade viguesa a lingua galega que temos ben preto de nós, os oficios relacionados co mar, as embarcacións tradicionais, os nomes de peixes, as lendas… O curso é de balde
Datas: 2, 4, 9, 11, 16, 18, 23, 25, 30 de novembro e 2 de decembro
Lugar: Oficina Municipal de Distrito de Casco Vello (rúa Oliva, 12)
Horario: de 19:30 a 21:30
Para inscribirse deben enviar os seus datos (nome completo, teléfono e DNI) ao correo electrónico actividades.snl@vigo.org
Toda a información na web
