22072019Lun
Última edición: Dom, 21 Jul 2019 2pm

arribada 2016

Conta atrás para a Festa da Arribada

A Deputación de Pontevedra acolleu este venres o acto de presentación da festa que se celebrará do 4 ao 6 de marzo

19 Febrero 2016 por
Valora este artículo
(1 Voto)
Presentación da festa en Pontevedra. Presentación da festa en Pontevedra.

A presidenta da Deputación, Carmela Silva, e o alcalde de Baiona, Ángel Rodal, presentaron este venres a XXI edición da Festa da Arribada de Baiona, recentemente declarada de interese turístico internacional, que se celebrará entre o 4 e 6 de marzo de 2016.

Carmela Silva manifestou sentirse moi orgullosa de que “neste ano tan especial, por ser o primeiro no que a Festa da Arribada se celebra tras a súa declaración como festa de interese turístico internacional, Baiona escollese á Deputación de Pontevedra, casa de todos os concellos da provincia, como o escenario para a presentación da súa festa máis emblemática, como noutras edicións fixera noutras cidades de Galicia, de Portugal ou Castela-León”.

A presidenta subliñou que “o ano pasado máis de 200.000 persoas acudiron ata Baiona para gozar desta festividade que transforma á vila de Baiona nun burgo medieval, converténdoa nun importante reclamo turístico e revulsivo económico para a vila”.

Pola súa banda, o alcalde de Baiona destacou que este ano, como novidade, a Festa da Arribada de Baiona se celebrará durante tres días: 4, 5 e 6 de marzo. Amais, Ángel Rodal deu a coñecer a historia da Arribada da carabela Pinta a Baiona que converteu á vila na primeira localidade do vello continente en recibir as novas do descubrimento de América.

O acto de presentación, no que se puido ver en primicia o vídeo de presentación do Real Mercado Medieval da Arribada deste ano, finalizou cunha pequena representación escénica da man do Bruxo Queiman e Andrea Pousa na hall de entrada do Pazo Provincial da Deputación de Pontevedra e degustación de doces típicos da Arribada entre os que se atopaban ñoclos de Pinzón, rosquillas ou tartas de Sarmiento.

Medios

Deja un comentario

Asegúrate de llenar la información requerida marcada con (*). No está permitido el código HTML. Tu dirección de correo NO será publicada.

vigo en festas 2019

vigo

  • Últimas noticias

  • Más leído

Comarcas

Sin eventos

Agenda

Sin eventos