11122019Mié
Última edición: Mar, 10 Dic 2019 9pm

Nigrán acenderá o seu Nadal coas actuacións de Broken Peach e Peter Punk

O Concello programa medio cento de actividades festivas entre o 1 de decembro e o 5 de xaneiro

29 Noviembre 2019 por
Valora este artículo
(1 Voto)
Broken Peach apagou o alumeado de Nadal o pasado xaneiro. / Foto: Sonia Daponte Broken Peach apagou o alumeado de Nadal o pasado xaneiro. / Foto: Sonia Daponte

Nigrán dá comezo este 1 de decembro a unha programación especial de Nadal que concentra preto de medio cento de actividades desde este domingo, co mercado dos comerciantes de A Ramallosa en Panxón, ata a cabalgata de Reis como punto final. As cinco mochilas vibratorias do Concello estarán a disposición de todas aquelas persoas que as soliciten para garantir así a accesibilidade nos diferentes concertos.

Así, tras celebrar o Día Internacional da Discapacidade o martes 3, o venres 6 de decembro terá lugar o acendido das luces de Nadal na Praza do Concello coa actuación de Peter Punk e o concerto posterior da banda Broken Peach. Ao día seguinte celebrarase unha das novas iniciativas deste Nadal, un bingo solidario no Auditorio Municipal co concerto posterior de Argonat Band.

Non será a única novidade na programación, o Concello ofrecerá concertos no Templo Votivo do Mar en Panxón ('Il Bimbi Appassionati' e o grupo de música antiga 'I Colori dell'Armonía' o domingo 8 e a Coral Novos Aires o sábado 21) ou unha gala de teatro o día 28 e outra de Afaga o día 27. Ademais, colaborará cos comerciantes na celebración das 12 badaladas o mediodía do 28 na Alameda de San Campio.

Como é preceptivo nestas datas, os nenos serán os protagonistas na programación non só na Cabalgata do día 5 de xaneiro, se non moi especialmente durante o período de vacacións escolares. O Concello, ademais de organizar a ludoteca de Nadal e ofrecer a visita dos paxes reais ou Papá Noel a tódolos colexios e a Praza Rosalía de Castro e Auditorio, ofrecerá diferentes sesións de contacontos os días 27 de decembro e venres 3 de xaneiro, e os musicais 'A voar' de Cé Orquestra Pantasma o domingo 29 e 'Pedro e o lobo', de Prokofiev, o xoves 2. Novamente, prográmase unha excursión a Perlim o xoves 26 (inscrición previa do 16 ao 20 de decembro) e o colexio Humberto Juanes realizará dous festivais solidarios o xoves 19 e venres 20.

Citas xa tradicionais como o baile de maiores (día 15) ou o pasarrúas da Rondalla de Parada (martes 24) e o concerto de corais (día 14) mantéñense na programación un ano máis xunto aos papanoeles surfeiros ou moteiros os dous o día 22 e o cine-club Alice Guy o 19.

No eido deportivo, os clásicos torneos solidarios multiplícanse co 'Encesta un alimento' do C.B. Nigrán (21 e 22), fútbol-sala (27, 28 e 29) e patinaxe (20) no Pavillón, o de xadrez Laroca no Auditorio (20, 21 e 22) e, finalmente, a carreira San Silvestre organizada polo Concello o sábado 28.

FACEBOOK Cartel A3 Programa Nadal2019 1

Inicia sesión para enviar comentarios

medio ambiente

navidad

  • Últimas noticias

  • Más leído

Comarcas

Sin eventos

Agenda

Sin eventos