22092017Vie
Última edición: Vie, 22 Sep 2017 5pm

Baiona recupera os documentos do primeiro aviador español ferido en combate

O Instituto de Historia e Cultura Aeronáutica cede imaxes do aviador baionés ferido na Guerra de Marrocos en 1913. A Casa-Museo da Navegación abrirá unha sección sobre feitos históricos protagonizados por baioneses

16 Julio 2017 por
Personal del aero?dromo de Sania Ramel, entre ellos el capita?n Kindela?n, rodea al MF-7 tras el incidente en el que Barreiro y Ri?os realizaron la misio?n que merecio? las dos primeras Cruces Laureadas de San Fernando de la Aviacio?n espan?ola. / Foto:Concello de Baiona Personal del aero?dromo de Sania Ramel, entre ellos el capita?n Kindela?n, rodea al MF-7 tras el incidente en el que Barreiro y Ri?os realizaron la misio?n que merecio? las dos primeras Cruces Laureadas de San Fernando de la Aviacio?n espan?ola. / Foto:Concello de Baiona

Unha parte da historia do famoso aviador Manuel Barreiro Álvarez (1880-1940, Baiona) regresará a vindeira semana á Vila. O Instituto Español de Historia e Cultura Aeronáutica comunicou ao Concello de Baiona a cesión de documentos nos que se narra o feito histórico protagonizado polo capitán de enxeñeiros en 1913 durante a Guerra de Marrocos no que resultou gravemente ferido e que supuxo a primeira Cruz Laureada de San Fernando da Aviación Española.

Unha fotografía do biplano no que aterrou no aeródromo de Sania Ramel, unha imaxe do capitán, o telegrama dirixido a superioridade dando parte do incidente e a orde do capitán Kindelán, xefe da primeira escuadrilla expedicionaria, pola que se ordena o recoñecemento do monte Cónico. Estes son os documentos que o vindeiro mércores serán entregados ao Concello nun acto que se celebrará no auditorio da Casa-Museo da Navegación.

Con tal motivo, o museo baionés abrirá unha sección adicada a persoeiros nados na Vila. A directora da Casa da Navegación, Rosa Vilar, e a concelleira de Cultura, María Iglesias, acordaron crear unha galería na que todos os veciños “poidan coñecer feitos históricos que protagonizaron ilustres veciños de Baiona”.

“Manuel Barreiro xa foi nomeado no ano 2013 fillo adoptivo a título póstumo e temos o deber de dar a coñecer entre os baioneses a súa historia, por iso creemos que a cesión dos documentos é o momento adecuado para abrir unha fiestra que recoñeza o seu papel e os de moitos outros protagonistas da nosa historia”, apuntou María Iglesias.

Manuel Barreiro (1880-1940)
Manuel Barreiro Álvarez naceu en Baiona o 23 de outubro de 1880, na casa que hoxe ocupa o Hotel Pinzón. Enxeñeiro militar, incorpórase en 1913 ao servizo da aeronáutica militar e realiza o seu primeiro voo nun biplano Maurice Farman. O 6 de outubro é nomeado aviador militar de 2ª categoría sendo destinado á escuadrilla do capitán Alfredo Kindelán para participar na Guerra de Marrocos.

O 19 de novembro de 1913, xunto ao seu compañeiro, o capitán Ríos, sobrevoaban o monte Cónico para facer un voo de recoñecemento cando tiveron que descender, momento no cal recibiron varios disparos sobre o avión, sendo gravemente ferido no peito Barreiro. Os aviadores foron extraídos do aparello en estado grave. Un telegrama do Rey Alfonso XIII ascendía a ambos e uns días despois abriuse o expediente para a concesión da Cruz Laureada de San Fernando.

Foron os primeiros aviadores militares feridos en combate e recibiron a primeira Cruz Laureada de San Fernando que entregou a Aviación Española. Manuel Barreiro Álvarez, que voou só dez anos despois do primeiro voo controlado dos irmáns Wright, faleceu na súa casa natal de Baiona o 13 de xullo de 1940.

Escribir un comentario


Código de seguridad
Refescar

movilidad

incendio

sanidade

  • Retoños
    Retoños Es una estampa habitual en la ría de Vigo. Las singulares condiciones meteorológicas, con una bonanza que se repite en gran parte del calendario, propician todo tipo de deportes náuticos, sobre todo la práctica de la vela.
    Leer más...

viajes

  • Últimas noticias

  • Más leído

Comarcas

Sin eventos

Agenda

Sin eventos