22012018Lun
Última edición: Dom, 21 Ene 2018 10pm

 

urbanismo

Nigrán espera ter a aprobación definitiva do PXOM a finais de 2018

Goberno local, Xunta e a empresa redactora mantiveron esta semana un encontro para coordinar os últimos pasos despois de que o estudo de prospección arqueolóxica requerido dende Patrimonio esté finalizado

21 Abril 2017 por
Valora este artículo
(1 Voto)
O alcalde de Nigrán, Juan González; o edil de Urbanismo, Diego García; a directora Xeral de Ordenación do Territorio, Encarnación Rivas; e o arquitecto e responsable de Eptisa, Alfonso Botana, este mércores reunidos en Santiago. / Foto: Concello de Nigrán O alcalde de Nigrán, Juan González; o edil de Urbanismo, Diego García; a directora Xeral de Ordenación do Territorio, Encarnación Rivas; e o arquitecto e responsable de Eptisa, Alfonso Botana, este mércores reunidos en Santiago. / Foto: Concello de Nigrán

O Concello de Nigrán deu esta semana un paso máis de cara a aprobar o Plan Xeral de Ordenación Municipal tras ter concluído o estudo de prospección arqueolóxica que permitirá responder nas próximas semanas ao único requerimento sectorial pendente de Patrimonio.

Con esta importante novidade, o alcalde e o edil de urbanismo mantiveron este mércores un encontro en Santiago coa Directora Xeral de Ordenación do Territorio e a empresa redactora do PXOM (Eptisa), no que acordaron coordinar e acelerar toda a tramitación do informe de avaliación ambiental, seguinte paso tras obter o visto bo de Patrimonio e derradeiro antes da aprobación provisional do documento en Pleno.

Ante este avance, o Concello urxiu a Eptisa a que fixe xa un cronograma de prazos concretos ata obter o documento definitivo, calendario que a empresa redactora se comprometu a facer e a presentar tamén ante a Xunta para unha mellor coordinación das diferentes administracións. O obxectivo é que, tras corrixir os informes sectoriais desfavorables, comecen no outono coa avaliación ambiental, informe que unha vez entregado á Xunta terá un prazo de tres meses para contestar. "Neste sentido, na reunión de onte coa directora xeral, esta trasladounos o seu total compromiso para acelerar ao máximo este trámite final co obxectivo de que esté resolto antes de finalizar o ano", incide o alcalde, Juan González.

Seguidamente, durante este periodo que o organismo autonómico tramita o informe, o Concello aproveitará para expor o PXOM en cada unha das parroquias co fin de que os veciños o coñezan de primeira man antes de levalo ao Pleno para a súa aprobación provisional, obxectivo que se espera acadar entre finais do 2017 e principios de 2018 sendo inmediatamente despois a definitiva.

O Concello de Nigrán, ante este importante avance na tramitación do documento, convoca novamente o Consello Sectorial para o día 10 de maio, órgano que este goberno rescatou xa no 2015 tras máis de tres anos sen ser convocado e que está formado por preto de trinta entidades veciñais, culturais, deportivas ou comunidades de montes. "A aprobación do PXOM é unha prioridade de goberno, levamos todo este mandato traballando arreo para que sexa unha realidade porque é un asunto clave para o futuro do municipio. Ante todo buscamos transparencia, consenso absoluto e participación, por iso queremos informar de primeira man aos veciños do estado actual do PXOM”, insiste González.

Escribir un comentario


Código de seguridad
Refescar

sanidad

sucesos

peinador

  • Ryanair busca tripulantes de cabina en Vigo
    Ryanair busca tripulantes de cabina en Vigo La compañía de bajo coste Ryanair, que opera en Peinador con enlaces a Barcelona, Bérgamo, Bolonia, Dublín y Edimburgo, está inmersa en un nuevo proceso de selección de tripulantes de cabina de pasajeros (TCP) para incorporar a su plantilla y…
    Leer más...

vigo

  • Últimas noticias

  • Más leído

Comarcas

Sin eventos

Agenda

Sin eventos