21042018Sáb
Última edición: Sáb, 21 Abr 2018 2pm

 

turismo

Baiona sinaliza o Camiño pola Costa e amplía o horario da Oficina de Turismo

Un total de 1.640 peregrinos, o 75% estranxeiros, pasaron pola oficina durante o ano 2016

20 Abril 2017 por
Valora este artículo
(1 Voto)
Ángel Rodal, durante a inauguración da mouteira. / Foto: Concello de Baiona Ángel Rodal, durante a inauguración da mouteira. / Foto: Concello de Baiona

O Concello de Baiona segue a apostar con forza pola promoción do Camiño pola Costa con diferentes iniciativas para atraer peregrinos a un percorrido que o alcalde, Ángel Rodal, definiu este mércores como a ruta xacobea “máis bonita”.

Despois de que o mes pasado a Xunta de Galicia, a través de Turgalicia, colocara as doce mouteiras que sinalan o trazado do Camiño pola Costa a través do Casco Histórico de Baiona, este mércores a Concellería de Turismo levou a cabo a instalación da nova sinalización da ruta Xacobea dende a recentemente inaugurada Oficina de Turismo.

Ante o incremento de peregrinos e co obxectivo de ofrecer maior información aos camiñantes, as novas dependencias municipais situadas na rúa Arquitecto Jesús Valverde amplían tamén o seu horario de atención aos visitantes e pasa a estar aberta entre as 10:00 e as 14 horas e entre as 16:00 e as 20:00 horas (o horario de verán será de 10:00 a 15:00 e de 16:00 a 21:00 horas).

Nun acto no que os representantes municipais invitaron aos sectores empresariais e económicos da Vila a coñecer a nova oficina, procedeuse este mércores a inauguración da sinalización. “Sen dúbida estamos na ruta máis bonita do Camiño de Santiago e despois de dez anos traballando conseguimos que xa fose oficial o noso Camiño pola Costa, feito que axudou notablemente ao incremento de peregrinos”, sinalou o alcalde, Ángel Rodal, durante a colocación da nova mouteira.

A concelleira de Turismo, Beatriz González, resaltou o incremento na afluencia de visitantes durante a Semana Santa, de forma especial no que fai referencia a peregrinos de procedencia estranxeira. “A pesar de que a oficina non está no percorrido exacto do Camiño pola Costa é notable a chegada de visitantes solicitando información, polo que o novo horario e a sinalización facilitarán o seu percorrido por Baiona”, explicou.

Balance do 2016
Ao longo do ano 2016, o número de peregrinos que visitaron a Oficina de Turismo foi de 1.640, dos que 405 procedían do territorio nacional e 1.235 foron estranxeiros (75% do total). Respecto a anos anteriores, rexistrouse un incremento do 47,9% sobre 2015. O Camiño de Santiago non pasa exactamente polo punto no que se atopa a oficina, polo que os datos obtidos a través das sondaxes realizadas, son só unha parte das cifras totais.

No balance global, a Oficina de Turismo de Baiona rexistrou o ano pasado un importante aumento de visitas despois de dous anos nos que a cifra descendera sensiblemente. Un total de 115.734 persoas pasaron en 2016 polas instalacións municipais do Paseo da Ribeira para solicitar información na súa visita á Real Vila, superando as cifras dos tres anos anteriores: 2013 (107.280), 2014 (106.862) e 2015 (106.709).

Deja un comentario

Asegúrate de llenar la información requerida marcada con (*). No está permitido el código HTML. Tu dirección de correo NO será publicada.

  • El mejor café de España se sirve en Vigo
    El mejor café de España se sirve en Vigo El barista vigués Marcos González, que representaba a Galicia, se ha proclamado vencedor del Campeonato de España Fórum del Café, siendo distinguido como Barista de Oro 2018. En la gran final, disputada este miércoles, también ha obtenido el premio al…
    Leer más...

medio ambiente

  • Playa y chapuzón de una nutria en Vigo
    Playa y chapuzón de una nutria en Vigo Retozándose en la arena totalmente ajena al mundo y disfrutando tranquilamente del agua para refrescarse del calor. Así se pudo ver este miércoles a una nutria en las playas de Vigo. Rondando por el arenal de la Calzoa, junto a…
    Leer más...

andainas

mobilidade

  • Últimas noticias

  • Más leído

Comarcas

Sin eventos

Agenda

Sin eventos