16122018Dom
Última edición: Sáb, 15 Dic 2018 9pm

O Sergas manterá aberto polas tardes o centro de saúde de Moaña

A xerencia da área sanitaria de Vigo gaba o “esforzo” e o “compromiso” dos profesionais e rexeita “presións”

09 Agosto 2018 por
Valora este artículo
(0 votos)
O centro de saúde de Moaña. / Imaxe: Google Maps O centro de saúde de Moaña. / Imaxe: Google Maps

O Servizo Galego de Saúde manterá aberto polas tardes o centro de saúde de Moaña, que tiña previsto pechar en horario vespertino durante a segunda quincena de agosto. Segundo comunicou este xoves a xerencia da Estrutura Organizativa de Xestión Integrada (EOXI) de Vigo, a decisión débese ao “esforzo” e “compromiso” de todo o persoal do centro. Un actitude que “é fundamental para poder compaxinar horarios, sobre todo en períodos de dificultade para contratar substitucións”.

Deste xeito, a EOXI quixo deixar claro que esas “dificultades” non son exclusivas do Centro de Saúde de Moaña senón que “abarcan a todo o sistema sanitario público durante os meses de verán, prodúcense polo dereito dos propios profesionais ao seu período vacacional e pola escaseza de substitutos, nunhas especialidades nas que o paro é absolutamente reducido e en algunhas, nulo”. A esas circunstancias habería que engadir as baixas que se producen, “algunhas das cales se poden cubrir e outras non”.

Segundo o Sergas, o plan foi elaborado de acordo cos profesionais do centro de saúde e levase  a cabo atendendo a criterios meramente asistenciais, “que nada teñen que ver con presións doutro tipo, sexa o que sexa”, en referencia ás presións sociais que esixían a apertura polas tardes.

A xerencia mostrou a súa “sorpresa” ante “determinados oportunismos” que pretenden “arrogarse o protagonismo dunhas decisións que non poden, baixo ningún concepto, deberse a medidas de presión por parte de quen pretende aproveitar calquera eventualidade no seu propio beneficio e sen pensar no interese xeral dos cidadáns”.

Deja un comentario

Asegúrate de llenar la información requerida marcada con (*). No está permitido el código HTML. Tu dirección de correo NO será publicada.

tráfico

sucesos

tecnología

movilidad

sanidad

  • Últimas noticias

  • Más leído

Comarcas

Sin eventos

Agenda

Sin eventos