Trátase dunha causa na que ten que comparecer como suposta autora dunha delito de falsidade documental relacionado coa súa actividade profesional particular como avogada en 2014.
García de la Torre tomou esta decisión no seu desexo “de salvagardar e defender o bo nome do PSdeG”, formación da que forma parte dende hai moitos anos.
A rexedora seguirá á fronte do Goberno local do Porriño na súa “firme confianza na Xustiza e o seu total convencemento de que o procedemento xudicial no que está inmersa será favorable para ela, dada a súa inocencia”.
Segundo anunciou, pedirá o seu reingreso no partido “cando sexa exonerada” e optará á designación coma candidata do mesmo á Alcaldía do Porriño nas Eleccións Municipais de maio de 2019.
Querela contra o cuñado do anterior alcalde
Ademais, García de la Torre vén de comunicar tamén que presentou unha querela contra Urbano González Álvarez, cuñado do anterior alcalde, Nelson Santos, “polas súas reiteradas agresións verbais, insultos, inxurias e calumnias vertidas durante anos en alegacións presentadas no Rexistro municipal”.
Segundo indicou, este mesmo mes, nun escrito do pasado día 6, o acusado referíase á alcaldesa como “rata de dos patas”, unha “aldraxe” á que se sumarían outras, os días 31 de xullo, 7 de agosto e 11 de agosto de 2017, 2 de abril, 28 de xuño, 24 de xullo, 18 de setembro, e 23 de outubro, “só por citar as do último ano”, na que cualifica á rexedora coma “mentirosa cumpulsiva”, “impostora”, “usurpadora”, “fantasma”, “teatrera”, “inepta” ou “trampera de Alaska”; mesmo a compara co ministro nazi de Propaganda, Joseph Goebbels, co ditador de Corea do Norte, Kim Jong-un ou a acusa da comisión de delitos coma o de falsidade documental.
Tamén se denuncian descualificacións contra outros membros do Goberno local, coma o responsable do Urbanismo, Marcelino Coto, ou á concelleira de Educación, Lourdes Moure, á que define nunha das súas alegacións coma “inepta, necia ou indocumentada”, e da que afirma que non sabe ler.
García de la Torre subliña que toma esta decisión, logo de “anos de vexacións”, ante o incremento do comportamento violento deste individuo, “que nunca foi rexeitado polas concelleiras e concelleiros do Partido Popular, que onte mesmo no Pleno do Concello, lonxe de rexeitar o mesmo riron as ocorrencias deste suxeito”, que mesmo dirixiu á alcaldesa o cualificativo de “mentirosa” dende os asentos do público asistente á xuntanza da Corporación.
A rexedora afirma que a súa intención é que Urbano González Álvarez “responda ante a Xustiza polo seu comportamento violento, polo grave dano moral que está a causar e para que o odio, o insulto e o descrédito desaparezan da vida pública”.
Precedentes
Esta non é a primeira vez que Eva García de la Torre vese agredida verbalmente, en persoa o unas redes sociais, por membros do Partido Popular ou persoas vencelladas ao anterior alcalde, entre elas o seu irmá que se dirixira a ela chamándoa “hija de puta” e “guarra”, ofensas polas que presentou unha denuncia “que retirei no xuízo cando este señor pediume perdón…pensando que as súas desculpas e o seu arrepentimento eran reais”.
