A rexedora comunicou que o día 8 non acudirá ao seu posto de traballo e pedirá que se lle desconte da nómina ese día coma non traballado por estar en folga. García de la Torre amósase segura de que se paran todas as mulleres paralizarán o país e farán ver o seu papel fundamental na sociedade. “Por iso temos que demostrar a importancia que temos e facer que se vexa que é así”, sinalou.
A alcaldesa do Porriño salientou a relevancia da muller en todos os eidos sociais, dende a cultura, á economía, dende o ensino ao benestar, dende a historia á xustiza, dende os traballos remunerados a aqueles que non o están e aseverou que “temos que estar valoradas igual que os homes”.