18062019Mar
Última edición: Mar, 18 Jun 2019 10pm

Adxudicado o novo centro de saúde de Salceda de Caselas por 1,7 millóns

As obras da infraestrutura sanitaria, que triplicará a súa superficie, durarán 15 meses

08 Noviembre 2018 por
Valora este artículo
(0 votos)
Entrada ao actual centro de saúde. / Imaxe: Google Maps Entrada ao actual centro de saúde. / Imaxe: Google Maps

A Xunta de Galicia, a través da Axencia Galega de Infraestruturas, publica este xoves a adxudicación da construción do novo centro de saúde de Salceda de Caselas por un importe de 1.679.168 euros. A empresa adxudicataria do concurso público foi Construciones Iglesias Mera S.L, e ten un prazo máximo de execución de 15 meses.

A nova infraestrutura sanitaria contará cunha superficie construída de 1.321 metros cadrados, o que supón un incremento de 863 metros cadrados (un 188% máis), respecto ao espazo do actual centro de saúde, que conta cunha superficie de 458 metros cadrados.

O Servizo Galego de Saúde xa presentou hai uns meses o proxecto de construción deste novo edificio da rede sanitaria pública galega. A superficie quedará distribuída nunha entrada con vestíbulo e zona de recepción e na área de asistencia sanitaria contémplase 5 consultas de medicina xeral, 5 de enfermería, 1 consulta polivalente, 1 sala de técnicas, 1 sala de extraccións, 2 consultas de pediatría, 2 de enfermería pediátrica e 1 consulta para matrona.

Disporá tamén de arquivo con historias clínicas, biblioteca/sala de xuntas, aseos e vestiarios, ademais doutros espazos con servizos comúns.

Na actualidade, o concello pontevedrés de Salceda de Caselas dispón de 7.832 tarxetas sanitarias adscritas, das que 1.391 son de pacientes en idade pediátrica.

Deja un comentario

Asegúrate de llenar la información requerida marcada con (*). No está permitido el código HTML. Tu dirección de correo NO será publicada.

furtivismo

festival

sucesos

celta

  • Últimas noticias

  • Más leído