18012018Jue
Última edición: Jue, 18 Ene 2018 4pm

 

A renuncia do alcalde de Ponteareas ao seu soldo permite crear e estabilizar 39 empregos

Os 37.500 euros que cobraría o rexedor foron parar a novos autónomos, empresas que fixeron indefinidos a traballadores temporais e a bonificar contratos a menores de 30 anos

08 Enero 2018 por
Valora este artículo
(0 votos)
Xosé Represas. / Foto: Concello de Ponteareas Xosé Represas. / Foto: Concello de Ponteareas

O Concello de Ponteareas vén de facer efectivo o pago de 39 subvencións, por un importe total de 37.500 euros da liña de axudas para o fomento da creación de emprego. Estas subvencións foron creadas no actual mandato grazas á renuncia de Xosé Represas ao seu soldo de alcalde tras a súa toma de posesión. Con este importe foron atendidas todas as solicitudes presentadas por parte das empresas e emprendedores de Ponteareas que crearon o seu propio posto de traballo, que contrataron novo persoal ou que mudaron a modalidade dos contratos e que cumprían os requisitos da convocatoria.

Un total de 33 persoas que estaban en desemprego recibiron mil euros cada unha por darse de alta de autónomos creando o seu propio posto de emprego. Ademais, dentro desta liña de subvencións e co obxectivo de contribuír á estabilización do mercado laboral, outorgáronse catro mil euros por conversión de contratos de temporal a indefinido e tamén se subvencionou con trescentos euros un contrato de formación e aprendizaxe e outro con douscentos euros por un contrato de prácticas.

Represas, que é empregado de banca prexubilado, amosou a súa satisfacción por lograr incentivar a creación de emprego en Ponteareas, un dos concellos con maior taxa de desemprego, "a creación de emprego e incentivar a actividade económica é un dos nosos obxectivos prioritarios e cada ano destinaremos máis recursos para acadalo".

O alcalde anuncia que no vindeiro mes abrirá o prazo dunha nova convocatoria por un importe total de 50.000 euros da que se poderán beneficiar tanto os emprendedores a título individual que acceden por primeira vez ao mercado laboral como empresas que queiran contratar novo persoal ou aquelas que vaian  mudar a  modalidade dos  contratos temporais a indefinidos. Terán cobertura tanto os que se xeraron en 2017 como os que se produzan nestes primeiros meses de 2018.

Escribir un comentario


Código de seguridad
Refescar

vigo

ciclismo

sanidad

educación

  • Últimas noticias

  • Más leído

Comarcas

Sin eventos

Agenda

Sin eventos