17012018Mié
Última edición: Mié, 17 Ene 2018 8pm

 

A Xunta de Goberno do Concello de Vigo aprobou este xoves as bases reguladoras para a convocatoria de subvencións para o fomento de emprego de entidades sen ánimo de lucro. A partida orzamentaria ascende a un millón de euros e poden acollerse a actuacións xa celebradas ou pendentes de levar a cabo entre o 1 de xaneiro e o 30 de setembro de 2018.

Unhas 200 familias dos concellos de Vigo, Mos, O Porriño, Salvaterra e Ponteareas veríanse afectadas no caso de que finalmente se consume o peche de Maderas Iglesias, compañía dedicada á fabricación de tarima flotante que atravesa unha situación económica crítica. O comité de empresa, presidido pola CIG, volverá reclamar por escrito a intervención da Xunta para garantir a continuidade da empresa e o mantemento dos postos de traballo.

O Concello de Ponteareas vén de facer efectivo o pago de 39 subvencións, por un importe total de 37.500 euros da liña de axudas para o fomento da creación de emprego. Estas subvencións foron creadas no actual mandato grazas á renuncia de Xosé Represas ao seu soldo de alcalde tras a súa toma de posesión. Con este importe foron atendidas todas as solicitudes presentadas por parte das empresas e emprendedores de Ponteareas que crearon o seu propio posto de traballo, que contrataron novo persoal ou que mudaron a modalidade dos contratos e que cumprían os requisitos da convocatoria.

A Xunta de Goberno Local aprobou este venres unha oferta de emprego público correspondente ao ano 2017 pola que o Concello de Vigo saca 80 prazas para diferentes servizos municipais. Delas, 62 postos son en libre concorrencia e outras 18 para promoción interna. Un 6% das prazas resérvanse para persoas con algún tipo de discapacidade.

O goberno local aprobou este xoves as bases e a convocatoria de selección de candidatos para a edición deste ano do programa Vigo Emprega, que contratará a 132 profesionais de distintos perfís, que farán desde construción de beirarrúas ata melloras en colexios.

vigo

ciclismo

sanidad

educación

  • Últimas noticias

  • Más leído