22092018Sáb
Última edición: Sáb, 22 Sep 2018 8pm

O Cunqueiro e Gradiant avanzan nun sistema para axilizar a atención a pacientes

Trátase dun programa de simulación de procesos (EasyProcess) que permite analizar os fluxos de pacientes nos servizos e estudar propostas alternativas para mellorar e a asistencia sanitaria

09 Abril 2018 por
Valora este artículo
(0 votos)
A innovación ensaiarase no mes de maio no servizo de Urxencias e posteriormente se estenderá a outras áreas do hospital. / Foto: Sergas A innovación ensaiarase no mes de maio no servizo de Urxencias e posteriormente se estenderá a outras áreas do hospital. / Foto: Sergas

Profesionais do hospital Álvaro Cunqueiro, en colaboración cun equipo de expertos en tecnoloxías da información e comunicación (TIC) de Gradiant, están a desenvolver un sistema que permite axilizar os tempos de espera hospitalarios. O proxecto, ensaiarase por vez primeira no próximo mes de maio no servizo de Urxencias e poderase trasladar máis adiante a outras áreas do centro hospitalario.

O proxecto de I+D+i consiste no desenvolvemento dun programa de simulación de procesos (EasyProcess) que permite analizar os fluxos dos pacientes nos servizos, e estudar propostas alternativas para mellorar e axilizar a asistencia sanitaria.

A primeira versión da ferramenta permitirá detectar en que probas ou áreas é posible optimizar os tempos de resposta e a súa repercusión na mellora da calidade, facilitando a procura de solucións para este fin.

O proxecto, desenvolvido por un equipo multidisciplinar de 6 profesionais de Gradiant e da EOXI de Vigo, enmárcase no acordo de colaboración asinado entre ambas as entidades para impulsar a innovación na asistencia sanitaria.

Variables que condicionan a atención
EasyProcess, o software de simulación de procesos de Gradiant, analiza datos sobre o funcionamento dos procesos do centro hospitalario para elaborar un modelo a través de minería de procesos. A ferramenta permite aos xestores asistenciais modificar, segundo as súas necesidades, distintas variables para comparar, de forma sinxela e obxectiva, as diferentes propostas de mellora.

O proxecto permite simular diversos escenarios de atención hospitalaria no centro, introducindo modificacións para adaptarse aos distintos condicionantes ou factores que inciden na asistencia. O obxectivo último é xestionar melloras na calidade da atención.

Para o xefe do servizo de Urxencias, Luis Amador, “os procesos sanitarios, incluídos os de urxencias, son extremadamente complexos; necesitamos ferramentas tecnolóxicas que nos asistan na súa análise e optimización”. Na mesma liña, a responsable da área de e-salud de Gradiant, Helena Fernández, explica que “a calidade asistencial dos pacientes ten en conta infinidade de factores e variables, o noso reto é que a ferramenta sexa o máis precisa posible para telos todos en conta”.

Innovacións no sector da sáude
Gradiant é unha fundación privada sen ánimo de lucro especializada no desenvolvemento de solucións tecnolóxicas nos ámbitos da conectividade, intelixencia e seguridade. As súas innovacións no sector da saúde inclúen aplicacións tan diversas como un sistema para axudar á toma de notas clínicas durante a exploración dun paciente, ou o desenvolvemento dun sensor de frecuencia cardíaca e respiratoria para a monitoraxe das constantes dun paciente a distancia.

Deja un comentario

Asegúrate de llenar la información requerida marcada con (*). No está permitido el código HTML. Tu dirección de correo NO será publicada.

celta

in memoriam

  • Hasta pronto, Juan Costa
    Hasta pronto, Juan Costa Los Bancos de Alimentos de la Federación Española (Fesbal), llevamos en nuestros estatutos los principios de ser aconfesionales y apolíticos. Sin embargo, los voluntarios que los componemos, al margen de ser libres para elegir personalmente cualquier opción político/religiosa, somos seres…
    Leer más...

polémica

  • Últimas noticias

  • Más leído