O presidente da Deputación de Pontevedra, Luis López, e a vicepresidenta Luisa Sánchez asistiron este domingo ao partido de clasificación para o Campionato de Europa 2024 de balonmán feminino celebrado no pavillón municipal do Porriño entre as seleccións absolutas de España e Acerbaixán.
Un dos grandes eventos deportivos que promove a Deputación este ano na provincia e que se enmarca no acordo asinado entre a Deputación de Pontevedra e a Real Federación Española de Balonmán para celebrar na provincia dous encontros dos combinados absolutos feminino e masculino. O vindeiro compromiso terá lugar o día 8 de maio en Lalín co partido de ida para a clasificación para o mundial do 2025 entre España e Serbia.
