A Agrupación Europea de Cooperación Territorial da Eurorrexión Galicia–Norte de Portugal abre novas convocatorias do programa Iacobus. Trátase da novena edición para estancias de investigación e a cuarta para publicacións científicas (Papers), sendo o período de candidaturas do 22 de novembro de 2021 ao 17 de xaneiro de 2022. A dotación financieira total é de 200.000€.
Iacobus é un programa de cooperación científica, cultural e pedagóxica que ten como principais obxectivos promover e fomentar sinerxías e o desenvolvemento conxunto de actividades de investigación, formativas e de divulgación entre Universidades, Institutos Politécnicos e Centros Tecnolóxicos da Eurorrexión Galicia-Norte de Portugal.
Os números globais das anteriores edicións realizadas -máis de 1200 candidaturas seleccionadas, que abranguen proxectos de investigación de todas as áreas de coñecemento, cun financiamento total superior a 1.400.000 €- demostran o seu gran éxito no universo académico da Eurorrexión GNP.
O programa está en constante innovación no transcurso das distintas edicións, e que na actualidade xa dispón de tres modalidades: Estancias de Investigación; Artigos de Investigación (Papers) e Patentes.
