Anúnciase hoxe que entre o día 20 e 25 próximos quedarán abertas para o servizo interior da nación e o internacional as estacións telegráficas de Albacete, Almansa, Alicante, Mérida, Betanzos, A Coruña, Ferrol, Loja, Barbastro, Lugo, Pajares, Ourense, Pontevedra, Tui, Vigo, Cidade Rodrigo, Salamanca, Castillejo, Santa Cruz de Retamar, Toledo, Tortosa, Zamora e Puebla de Sanabria.
Vigo quedaba en comunicación co mundo, á velocidade do raio, Mercurio, con seu coturno alado; Xúpiter, co seu feixe de chispas e a miúda chorte de divindades viais, podían estar satisfeitos. Pero os vigueses (disto non cabe dúbida) estábano moitísimo máis. Que divina embriaguez progresista non produciría na alma daqueles cidadáns abrir, con man tremente, o sobre azul dun «telegrama»!
17 de xuño de 1858. Xosé María Álvarez Blázquez. «A Cidade e os Días. Calendario Histórico de Vigo» (Editorial Monterrey, 1960; Editorial Xerais, 2008).
