Polo perigo que supón, precintouse a zona mentres duren os traballos do servizo de Parques e Xardíns. O concelleiro de Medio Ambiente, Sergio Casal, indicou que un enxeñeiro da firma de xardinería Adoa, que asesora ao Concello, “estaba avaliando o estado das demais árbores do Parque do Cristo”.
Nunha primeira apreciación “non descartamos que poida haber outros exemplares afectados e que por previsión debamos talar tamén”, engadiu o concelleiro. Moitas destas árbores son case centenarias e forman parte da paisaxe urbana da vila de O Porriño.