Alma Pérez (-52, Suh Sport) comezou o torneo vencendo á Alexia Amon (Francia) cun cómodo 15, para enfrontarse en segunda rolda á mundialista e medallista europea, a británica Holly Kelly. Foi un combate moi técnico, no que a nosa deportista brillou para vencer por 28-12. Coa medalla asegurada, a boirense mostrou a súa impresionante 32-12 e na final a Ella Sands (Gran Bretaña) tamén con enorme superioridade (23-6).
O segundo ouro galego foi para Elena Pérez (-44 quilogramos, Natural), que ademais repetía una magnífica actuación en París, xa que o pasado ano foi prata. En primeira rolda Elena enfrontouse á alemá Jessica Wolf á que derrotou por 24-3 nun combate bastante cómodo. Na segunda eliminatoria venceu á francesa Khalissa Agaou por 17-3 e xa na final derrotou á tamén francesa Sabah Shaiek por 11-8 nun combate moi técnico e estratéxico.
Ana Dosil (-68, Natural) acadou a medalla de prata en París. Na final foi superada pola vixente campioa de Europa, a francesa Althea Laurin por un claro 25-5. Previamente Ana derrotou á tamén francesa Si’Ann Sulpice-Timothe por 18-12 nun fermoso combate de grande intensidade.
O bronce galego foi para Antía Sánchez (-55 kg, Suh Sport), quen comezou gañando con folgura o seu primeiro combate contra Oceane Lelandais (Francia) por K.O. (22-0), para enfrontarse en cuartos de final á tamén francesa e campioa de Europa cadete Imani Sitti, á que venceu cun claro 24-13, dando un magnífico espectáculo cunha gran remontada. Xa en semifinais, a galega enfrontábase a unha complicadísima rival, a belga Ewelina Krynska, á que non puido vencer, tendo que “conformarse” coa medalla de bronce.
Aquí rematou a colleita de medallas galegas. Javier Torrado (-59 kg, Suh Sport) superou ao seu primeiro rival con rotundidade (28_2), pero o francés Enzo Comprelle freou ás súas aspiracións de medalla en cuartos de final nun axustado e tenso combate no que o deportista local acabou impoñéndose (26-24). Tamén caeu nos cuartos de final, Pablo Patiño (-63, Patiño Moaña). O galego pasou o primeiro combate sen ter que competir por incomparecencia do seu rival, un marroquí, e en segunda rolda venceu ao francés Yanis Tahraqui, un competidor moi alto, que lle puxo as cousas moi difíciles a Pablo, que ao final se impuxo por un axustado 10-9. En cuartos caeu contra o belga Shohai Amal (8-3).
Héctor Canabal (-63, Mace Sport) gañou o primeiro combate a Steluy Banzouzi (29-9), pero perdeu no segundo ante o marroquí Youssef Boatris (25-4). Alejandro Paz (-55, Natural) superou a primeira rolda ante Angelo Ferreira (Francia) por 12-26 e caeu ante o exipcio Mostafa Mansour (9-18); mentres que Diego Martínez (-59, Natural) gañou a Guillian Dray (Francia) por 10-12 e foi derrotado polo holandés Kasmi (17-22).
Ademais, caeron en primeira rolda Tomás Lois (-45, Natural), Giovanni Imparato (-51, Mace), José García (-51, Natural), Carlos Medranda (-55, Mace) e Sergio Gonzalo (-59, Natural). Sénior. As e os deportistas galegos quedaron sen medallas na
primeira xornada do Open de Francia, na que se celebrou a competición sénior.
En -74 quilogramos José Fernández (Natural) chegou ata os cuartos de final. Venceu en primeira rolda ao francés Mousa Demba Traore por 5-1, e en segunda ao inglés Jacob Barnett (13-6). En cuartos, ao borde das medallas, tiña enfronte un duro rival, o tamén inglés Christian Mcneish, fronte ao que sucumbiu por 15-5. Mcneish proclamouse campión do peso. Tamén acadou os cuartos, en -68 quilogramos, Manu Parada (Natural). Venceu no primeiro combate a Yassin Chaouch (Francia)
por 10 a 7, e no segundo ao valenciano Cesar Heredero (18-15). Nos cuartos esperaba o medallista mundial de Gran Bretaña Bradly Sinden que venceu de forma clara (25-7). O británico foi, ao final, o vencedor do Open de París neste peso.
Miryam García (Patiño Moaña) foi a terceira galega que alcanzou os cuartos de final, nesta oportunidade en -62 quilogramos feminino. Superou nos oitavos de final a Luxemburgo (12-2) e perdeu despois de forma clara contra a cabeza de serie número 2, a francesa Magda Wiet-Henin.
En -57 quilogramos, Sara García (Dobok) gañou en primeira ronda a Eva Berthelol de Francia por 8 a 0, pero en segunda tiña enfronte a Jolanta Tarvida (Letonia) una rival moi alta e incómoda, ante a que non se sentiu cómoda, para rematar perdendo por 14-4. Neste mesmo peso, competiu Ainoa García (Natural) que quedou eliminada no primeiro combate ante Frederique Sarterre de Canadá (10-4). O combate foi axustado ata o terceiro asalto onde Ainoa arriscou para vencer, e a canadense aproveitou algún desaxuste.
Uxía Ogea (-53, Mace) gañou en primeira rolda a Madina Shermatova de Uzbequistán (9-8) e no segundo combate superou a Mariska Halinda de Indonesia (4-3). Pero no terceiro perdeu contra a canadense Rodgers (12-8). En -49 quilogramos, a taekwondista do Mace Sara Cortegoso caeu en primeira rolda contra Ana de la Fuente. O combate rematou con empate ( 8-8) e perdeu Sara no punto de ouro, por acumulación de dous gamjeoms. En +87 quilogramos, Emilio Pousada (Mace) tivo que retirarse no primeiro asalto contra o francés Yoann Mangue debido a unha lesión de xeonllo.
