Persoal de enfermaría da unidade decorou as estancias e o corredor central de acceso, na cuarta planta do bloque técnico do hospital, con globos de cores branco e lila así como con guirnaldas das que colgaban calcetíns de bebé, pañais e outros motivos alusivos aos recentemente nados, e un póster sobre á celebración.
A iniciativa desta celebración partiu do equipo de enfermaría, que desenvolve una papel fundamental no día a día desta Unidade, tanto na UCI de Neonatos como nas outras dependencias en que están os nenos prematuros.
A media global de nacementos prematuros sitúase nun de cada dez. Unha porcentaxe que na área sanitaria de Vigo é lixeiramente inferior, ao redor dun por cada 13, segundo os datos da Unidade de Neonatoloxía do Álvaro Cunqueiro.
A maioría dos 250 prematuros que son atendidos no hospital vigués ao ano son “oitomesinos”, é dicir bebés que naceron despois de 37 semanas de embarazo da nai. É a idade xestacional e non o peso o que mide a condición de prematuro.
O un por cento dos nenos da área de Vigo nacen con tan só 32 semanas. O bebé máis pequeno que foi atendido este ano na Unidade de Neonatoloxía rexistrou tan só 400 gramos de peso, que se rebaixou ata 380 gramos nos seus primeiros días de vida, como adoita ocorrer coa maioría dos recentemente nados.
Unidade
A Unidade de Neonatoloxía do Álvaro Cunqueiro conta na actualidade con 16 incubadoras de UCI e con 27 máis no resto do servizo. “Á maioría dos pais e nais quedan moi satisfeitos coa Unidade unha vez que os seus bebés son dados a alta; o certo é que o gran espazo do que dispoñemos no Álvaro Cunqueiro permite que os proxenitores poidan estar moito tempo en contacto con seu bebé e esa interacción é moi boa”, explica a doutora Concheiro.
As novas instalacións do hospital inclúen una sala específica para que as nais poidan extraer a leite materna que logo se lle administra ao bebé. O persoal de enfermaría se encarga de darlle o biberón coa leite recollida a cada prematuro ingresado, sempre que a nai non poida estar presente nese momento.
O tempo que os nenos prematuros están ingresados na Unidade é variable. O normal é que os bebés permanezan ingresados o tempo que lles habería faltado ata ter un nacemento normal, aínda que ese prazo pódese acortar ata un mes, segundo a evolución do neno. Como norma xeral, un bebé sae da Unidade de Neonatoloxía, se no ten outras complicacións, cando supera os dous kilos de peso.
A viabilidade vital dos prematuros mellorou considerablemente nos últimos anos. Os neonatos son nenos que poden ter complicacións na súa evolución polo que poderían precisar de estar ingresados longos períodos de tempo, ben en coidados intensivos se necesitan soporte ventilatorio, ou en incubadoras normais.